khang ma brtsigs par mo lha khang rtsig mi gzhug dgos snyam na/ kong jo bos te/ ye kong jo khyod la lha dang dug ste/ lha nga la yang yod/ chen ma yang nga yin/ pho brang chen po 'di tsam pa ngas brtsigs/ byas pa yang nga che/ ngas lha khang ma brtsigs par khyod kyis lha khang ma rtsigs shig/ ces a nan gyis bos/ kye ma kong jo khyod g.yog 'khor mang po byas nas byon/ /dka' las byas nas snye bos bkug /tshegs med bod kyi yul du byon/ /nga ni them pa snga brgal yin/ /chen ma che ba che rgyu yin/ /chen ma btsun pa btsun rgyu yin/ /chen ma gnyan re gnyan rgyu yin/ snga ma mi che mi btsun na/ /snga ma mi dge mi gnyan na/ /'jig rten chos lugs smad par 'gyur/ /de las thab ka nga snga zhing / /rje'i sku mthong ba nga snga bas/ /nga la sngon du gus par gyis/ /lar ni 'jig rten lugs ltar na/ /slong bar byed na su zhig btsun/ /bran mo byed na su zhig btsun/ /dge bar mi byed su zhig 'khur/ /dam chos byed pa su zhig sdug /dkon mchog mchod pa su zhig 'bul/ /khrungs ma 'thung bar zhig zhim/ /btsun mo yong ba su zhig bzang / /'on kyang rje la bstod pa la/ bstod pa thams cad 'gran pa yin/ /khyod dang nga gnyis 'gran pa yin/ /dkon mchog dbu 'phangs bstod pa 'gran/ /chos gzhi dkon mchog gsum gyi gzhi/ /gtsug lag khang rnams bzhengs pa 'gran/ /de'i sa dgra bsub par 'gran/ /mchod gnas gnyis la mchod pa 'gran/ /mar gyi bu 'bangs skyong ba 'gran/ /long sprang sbyin pa gtong ba 'gran/ /thad kar dkon nor gsog pa 'gran/ /zhing bcu'i so nam bya ba 'gran/ /kha thos tsig thos phan pa med/ /de bas dam chos spyod pa dang / /sdig pa thams cad bshags pa ni/ dam pas dam chos spyad pa dang / sdig pa rgyab tu dor ba dang / de ltar 'gran par ma nus na/ /khyod kyang rje la re ma che/ /de ltar 'gran la chos skor bzhengs/ /nga ni chen ma yin pas na/ /lha khang sngon la nga rtsig go/ /zhes smras pa dang / kong jo na re/ khyod chen ma yang yin/ byas pa yang che/ grub cog kyang che/ lag ris kyang che bar gda' yis zer nas/ dngul dkar gyi lcag 'o thang gi mtsho la gtad nas/ khyod 'di bsub nas de'i steng du lha khang rtsigs shig yang kong jos smras pa/ kye ma khri btsun khyod gson dang / /'khor bar skyes pa'i sems can rnams/ /nad kyi ma gdungs su zhig yod/ /'phongs pa gang gis mthong ma gyur/ /'byor pa rtag tu sa la yod/ /sa steng nor skad su zhig grags/ /grags dang bral na su zhig yong / /su zhig khyim thab kyis ma smras/ /rtag tu rgyal po yod du 'ong / /shing rta'i yul du gang ma gyur/ /skyes nas byung dus su ma gyur/ /skyes bu bder bsam mthar phyin su/ /chen chun 'gran pa su zhig yin/ /de ltar yin na khyod mad de/ /khyod kyi che rgyu btsun rgyu de/ /khyod la nyan par ngas lta yi/ /khyod kyis che bar shes par gyis/ /khyed la gus par ngas 'dud do/ /'gran pa'i 'gran sems med mod kyi/ /khyod kyis 'gran no zhes smras pa/ /them pa snga brgal chen ma khyod/ /chos skor lha khang khyod kyis bzhengs/ /nga ni khad mnyam sa la bzhengs/ /chen mas dka' ba byed pas na/ /khyed la de skad bkur bar bya/ /khyed kyis 'gran rgyu de rnams la/ /rang las rang nyid byed pa la/ /de la 'gran rgyu ngas mi mthong / /zhes