cad jag pa'i skye bos gang bar mkhyen/ de bas rgya cher brtsis te gzigs pas/ yul de'i shar na ri pad ma ra ga spungs pa 'dra ba yod/ lho na ri rin po che spungs pa 'dra ba yod/ nub na ri mchod sdong btsugs pa 'dra ba yod/ byang na ri man ji'i khar dung chos chab kyis bkang ba bzhag pa 'dra ba yod/ de rnams ni sa phyogs der dad pa can gyi skye bo mang po 'byung zhing 'du bar rang rang gi yon tan 'byungaba'i lung du mkhyen/ der dad pa can gyi skye bo mang po 'byung bas ngang gis dad pa che ba dang / chos byar rung ba rang bzhin gyis yon tan 'byung ba'i gzhi 'phel zhing rgyas par bya ba'i phyir/ gtsug lag khang zhig bzhengs dgongs par mkhyen/ de la de'i dpyad mdzad pas sa'i dbye ba sum brgyad dang drug cu/ sa'i dpyad nor re re bdun cu rtsa gsum/ de'i ngos bzung ba dgu bcu tham pa/ ngos bzung pa'i skyon zlog pa/ de'i 'bras bu chud mi za bar byed pa/ de thams cad kyang bsdus na bzhir 'dus te/ skye bo mang po 'du ba'i sa/ rgyal po'i sa gtan la dbab pa dang / 'phags pa rab tu byung ba'i sa/ gtsug lag khang gi sa gtan la dbab pa dang drang srong mang po 'byung ba'i gnas/ dgon pa'i sa gtan la dbab pa dang / re zhig bde bar spyod pa'i sa/ skye bo phal po che'i sa gtan la dbab pa'o/ /de dag las kyang da res dang po gnyis kyi sa gtan la 'bebs te/ de yang yon tan rnam pa brgyad yod pa zhig dgos/ yon tan brgyad yod pa la skyon lnga tsam yang yong / yon tan brgyad yod pa ni/ gnam 'khor lo rtsims brgyad du yod pa/ sa pad ma 'dab brgyad du yod/ bar bkra shis rtags brgyad kyis brgyan pa'i sa/ ju yag gi lha khang tshangs pa/ rin po che sna lnga yod pa'/ de'i nus pa 'don pa la skyon lnga sel dgos par mkhyen/ skyon lnga ni klu'i pho brang dang / 'dre'i 'dun phung dang / ma mo'i nyal sa dang / btsan gyi rgyu srang dang / 'byung ba'i sa dgra de rnams rim gyis bzlog pa la/ klu'i pho brang gi khar jo bo shAkya mu nes mnan par mkhyen/ sku'i phyogs bzhir ka ba bzhi btsugs/ de la dar gyi yol ba bres nas gyad pa mi gnyis srung du bcug ste/ kong jo dpon g.yog rnams rgyal po'i pho brang gi shar sgor byon nas/ snye bo rta pa brgya tham pas sgo ba gnyis la brda sbyar te/ khyed rgyal po'i spyaha sngar song las/ kong jo yang spyan drongs nas yod/ gser gyi lha shAkya mu ne yang spyan drongs nas yod/ dga' ston chen po yang gyis shig rgyal po yang dga' ston gyi sar spyan 'drongs bya ba'i zhu 'phrin btang ngo / /der sgo bas dga' ston gyi rnga brdungs pas/ skye bo thams cad ci byed na zer zhing lta/ dga' ston gyi rnga re brdungs pas a re dga'/ kong jo yang byon/ gser gyi lha shAkya mu ne spyan drangs zer nas/ grong khyer gyi mi rnams rgyan thams cad kyi brgyan nas/ srang ka na phar tshur 'ur rgyangs dang chas nas 'ongs bas/ lha gcig khri btsun pho brang na bzhugs pa'i thugs dgongs la/ 'ur sgra de tsam ci yin snyam ste gong khar byon te bltas pas/ kong jo dpon g.yog rnams shar sgo na 'dug pa gzigs/ lha sa bye ma'i gling chu mig kha na gser gyi lha shAkya mu ne bzhugs pa mthong ba dang / 'di snyam du bsams te/ jo bo shAkya mu ne bzhugs pa'i sa ya kir lha khang bya bsam par 'dug ste ngas lha