kyi/ gzhan yang 'byung ba'i dgra yod de/ shar phyogs bye ma'i lung stong du srin mo 'doms bzed pa 'dra ba'i sa dgra yod/ der dbang phyug chen po'i ling ga tshugs/ lho phyogs yug ma'i ri la rus sbal nag po gzan la gzhungs pa 'dra ba yod/ de la bya khyung ga ru Da kha ston/ nub phyogs shun gyi brag bdun nag po bya ra byed pa 'dra ba'i sa dgra yod/ de'i phyogs su mchod rten bse ru rtsigs/ byang phyogs nya ran nang bran gyi ri la glang po stobs can g.yul la zhugs pa 'dra ba yod de/ de la rdo'i seng ge dkar mo tshugs/ de ltar byas nas dbus 'o thang gi mtsho la/ ra skyes las sa bskyal nas/ mtsho bsrubs te lha khang byas na/ lho'i g.yu 'brug sngon mo dang / byang nub bya phu'i bya dmar po dang / byang rdo rje'i rus sbal nag po dang / shar bye ma ri'i stag skya bo rnams la nus pa gdod byung / sgo phu'i lcags dang / ra ga'i zangs dang / la rtog gi dngul dang / lcags ka ri'i gser kyang 'dod 'byung / khyod kyi lha khang yang gdod rtsig tu btub/ kha ba can gyi rgyal khams su legs dgu cog kyang gdod 'byuung / nyes so cog gi skyon ni 'grib par 'gyur gyi bya ba'i lan bskur ro/ /g.yog mos mgo mjug nor nas/ 'phan yul nas ra la sa bskyal nas mtsho srub bya ba rnam la thos te/ de ltar byas pas mtsho rnyog ma langs song bas/ kong jos nga la phrag dog byas 'dug snyam ste/ da res rgyal por zhu'o snyam nas/ rtse mkhar du phyin te/ rgyal po chen po lags/ ngas lha khang gi rmang brgya rtsa brgyad bting bas nub mo zhig nas grub par ma gyur na ji ltar bgyi zhus pas/ rgyal po'i zhal nas/ nga la dri sa yod kyi gsungs so/ /rgyal pos kyang bu mo bcu drug po mchod pa 'bul du bsgo ba rnams/ lha thugs rje chen po la mchod pa 'bul du bcug nas/ gsol ba btab pa'i rjes la/ tsan dan gyi sku zhabs g.yas pa las/ 'od zer zhig byung nas/ 'o thang gi mtsho la phog go/ sang nangs par na ma re la/ rgyal po'i chibs 'chag pa'i shar phyogs gru do'i bar la chibs dkyus sa yod pas/ rta gcig rgyugs pa 'ur ting khrol zhes pas/ rta drug cu rgyugs pa'i sgra byung / lan drug rgyugs pa dang / grong khyer ba rnams rta 'chag cing ltad mo byed pa dang / rgyal po thod dmar 'phyur re pho brang du gshegs pa mi ltas mthong / de'i nangs par rgyal po'i zhal nas/ lha gcig khri btsun la chibs 'chags zhes gsungs te/ pho brang lho phyogs kyi sgo nas/ 'o thang gi mtsho'i 'gram na mar zheng 'dom gsum/ dkyus su 'dom sum brgya yod pa/ zabs su 'dom do/ so phag dang spang leb la sogs pa dang / rgyal po'i chibs dkyus sa 'dra ba zhig yod pa/ khri btsun gyis sne drangs te/ rta 'dur chen la btang nas byon pa dang / 'o thang gi mtsho 'gram du rtol ba las rgyal po na re/ nga'i sor gdub 'di gar song sar khyod lha khang rtsigs shig gsungs nas sor gdub 'phangs pas/ nam mkha' ru song ste khri btsun gyi rta sga'i phyi ru la babs/ de yar nas 'o thang gi mtsho la song ste/ khri btsun gyi snyam na/ rgyal pos kyang kong jo la gros dris 'dug snyam nas/ mig mchi mas gang ngo / /rgyal pos khri btsun la 'od 'di khyod kyis mthong ngam byas pas/ ngas lha khang brgya rtsa brgyad kyi rmang bting yang zhig da yang mtsho 'di la lha khang mi btub lapas