mig mchi mas gang nas ma mthong ngo / /yang rgyal po na re/ ngas khyod lha khang rtsig pa'i grogs bya'o zhes gsungs pas/ der khri btsun rab tu dga' nas bsgo ba bzhin mnyan te/ der rgyal po na re/ nga'i pho brang zhig 'o thang du rtsigs shig ces gsungs so/ /'o thang du pho brang gsum thog ma zhig brtsigs pa'i nang du mchod gnas bcu spyan drangs te/ khri btsun gyis klong rdol dang / rgyun 'dul la sogs pa zul phug dbus rkyang bu tshal gyi klu de rnams la chos skyong bcol/ chu dkar chung sbu ba gdong du bsgyur nas mtsho shing gla bas phub pas/ dkyil du shing gis ma slebs/ yang rgyal po la gros dris pas/ nga la 'dri sa zhig yod kyi gsungs nas/ yang lha la mchod pa phul bas rtsa ba'i zhal 'od zer zhig byung ste/ 'o thang gi mtsho'i thad kar 'od zer las sprin 'khrigs pas/ 'od char lta bur babs so/ /de la khri btsun gyis bltas pas/ mtsho nang du dkar po rim pa gsum mthong ngo / de la bal po rdo mkhan gyis rdo gsang phu nas drangs te/ bzo byas nas 'od zer la brgyab pas 'od zer dang rdo mnyam du zad tsa na/ mtsho'i dkyil du mkhar bu zhig byung / de la shing rnams gtad de mtsho phubs so/ /de la shing klu'i yul nas rdo rje'i 'dag pa bye ma'i mes mi tshig pa/ chus kyang mi 'drul ba/ brkos kyang mi phed pa/ rdo rje pha lam lta bus byugs/ de'i steng du khro chu'i pha gus bsgrigs/ srubs gsos 'khan pas byugs/ de'i steng du so phag dang / spang leb dang / rdo leb dang / sa bzang dang / bye ma rdo hrug rnams rim pas bting ba'i khar/ skye bo dang bstun nas grub bzhir rmang bting / btsun pa dang bstun nas re'u mig tu bris te rmang bting / bon po dang bstun nas g.yung drung ris su byas/ rgya'i rten dpe har la dpe blangs te gzings 'bring po dang tshad mnyam nas rmang bting bas zhig go/ /yang rgyal po na re/ bal po'i lha bzo sprul pa de la/ khyod kyis nga'i 'bag cig gyis dang bsgo ba las/ bal po'i lha bzos kyang byang chub shing gi srog shing / tsan dan goshirSha'i rus shing dang / rme ru lcags gzer dang / gnas brgyad kyi sa dang / chu bo nairanya?dza na'i bye ba dang / tsan dan sbrul gyi snying po'i lde gu dang / ba spos zan ma'i 'o ma dang / rgya mtsho gle'i 'jag ma dang / rin po che'i spyan 'bras dang / shing bal gyi thi gu dang / lde men la sogs sta gon byas nas rgyal po'i dbu sngas su bzhag go/ /sang nangs par dga' ston chen po yang byas/ lha bzhengs par yang chas pas/ de'i tho rangs rgyal po'i pho brang du mthongs na mar phyogs bcu'i sangs rgyas dang byang chub sems dpa' thams cad bkra lam gyis shar byon te lha'i rgyu la thim pas/ rgyal po'i thugs la/ nga'i lha 'di phyogs bcu'i sangs rgyas dang / byang chub sems dpa' thams cad kyis byin gyis brlabs pa 'dra ba zhig yong bar 'dug na/ phyag stong spyan stong zhig bya'am/ zhal bcu gcig pa zhig bya'am/ yi ge drug ma zhig bya'am/ ha ya gha?rib zhi bya'am/ lo ki shwa ra zhig bya'am/ kha sarpa Ni zhig bya'am/ chu srin 'dzin khri zhig bya'am/ kro ta mgrin sngon zhig bya'am snyam pa dang / dgung langs tsa na/ rgyal po'i dbu sngas na/ spyan ras gzigs dbang phyug zhal bcu gcig pa bzhengs pa/ rtsa ba'i zhal gsum spyan gsum pa/