bas/ 'od zer gcig gi sna la dpal rta mgrin byung / gcig la khro bo bdud rtsi 'khyil ba byung / de gnyis kyi thugs kha nas me dpung bskal ba'i le lta bu 'phros pas/ shing sdong gi rtsa bar 'dre'i 'dun phung yod pa/ 'dre thams cad brgyal par gyur pa la/ rgyal po'i phyag song bas lho phyogs gla ba'i tshal na dug gi sdong po yod pa la phog pas/ dug thor phyag rgyas bcings te/ dus mtha'i rlung ngam/ bskal pa bsregs pa'i me btang bas 'dre rnams phyi'i rgya mtsho'i gle la bskyal bas/ 'dre rnams brgyal pa las sangs te nyi zer la lag pas mig skyor nas kha ba can du lta'o/ /khro bo gnyis kyi me phung gi gla ba'i tshal gyi brag la bcom ldan 'das kha sarpa Ni/ dpal rta mgrin dang / a mi de ba'i gzugs su chags/ de la rgyal po dges te thugs ngo mtshar bar gyur to/ /sang nangs par bal po lha bzos 'od zer ji lta ba bzhin du rdo la brkos te 'bur tu bton nas bzhag go/ /rgyal po'i zhal nas bal po'i lha bzo ba la khyod kyi mdang gi jo bo thugs rje chen po'i zhal gyi dkyil 'khor las byung ba'i 'od zer gyi sna'i lha de gnyis mthong ngam/ gsol ba/ mthong lags/ bka' bstsal pa/ 'o na lha de gnyis kyi gzugs gyis dang ces bsgo ba dang / bal po lha bzo bas rta mgrin dang / khro bo bdud rtsi 'khyil ba'i 'od zer ltar bzo byas so/ /da rung gyis dang gsungs pas/ kha sarpa ni dang 'jig rten dbang phyug byas so/ /thugs rje chen po'i 'khor nyungs so/ /da rung gyis dang byas pas/ don yod zhags pa dang / yid bzhin 'khor lo dang / a yu ta ra dang / lha mo 'od zer can te gtso 'khor dgu pho brang de nyid du/ rgyal po'i dbu sngas su bzhugs so/ /de ltar sa dgra bzlog nas da lha khang brtsig tu btub par mkhyen te/ rgya'i dben khang dpe har la dpe byas/ gzings 'bring po la tshad byas nas kha ba can du dam pa'i chos la sogs legs dgu cog dar bar bya ba dang / nyes dgu cog nub par bya ba'i phyir/ sku lus kyi bkod pa lnga stong du sprul nas gor phyed du btang nas/ la las sa skyas/ la las rdo skyas/ la las shing bcad/ la las rtsig pa brtsigs nas gor phyed shing phyed du btang ngo / /skye bo phal pas mi mthong bar bya ba'i ched du na bun gyis sgrib par byas pa'i gseb tu pha ya di ri ri brtsigs pas nyi ma gcig la rtsig pa rnams 'byongs par byas so/ /yang 'phro rtsig tu ma btub nas sprul pa mdzad de/ bod kyi sa gzhi srin mo gan rkyal du 'gyel ba 'dra ba'i dpung mgo dang / dpyi mgo mnan par bya ba'i ched du ru bzhi'i gtsug lag khang chen bzhi bzhengs su gsol ba ni/ dpung pa g.yon pa la g.yung drung g.yo ru khra 'brug bzhengs so/ /dpung mgo g.yas par dbu ru ka tshal bzhengs so/ /dpyi g.yas pa la gtsang 'gram bzhengs so/ /dpyi g.yon pa la ru lag grom pa rgyang bzhengs so/ /yang rtsig tu ma btub nas bar tshigs rnams gnon pa'i phyir mtha' 'dul gyi gtsug lag khang bzhi bzhengs te/ gru mo g.yon pa la lho brag kho 'thing bzhengs so/ /gru mo g.yas pa la kong po bu chu thar legs bzhengs so/ /pus mo g.yas pa la dre'i ka brag pus mo g.yon pa la spra dun tse bzhengs so/ /yang rtsig tu ma btub pas nying lag rnams gnon pa'i phyir/ lag mthil g.yon pa la khams kyi klong thang sgron ma'i lha khang bzhengs so/ /lag mthil