lag khang gi thog phub par 'dod nas/ rgyal pos sku'i bkod pal lnga stong du sprul nas bzhengs pa la/ la las shing bcad/ la las shing 'dren/ la las shing bzo byed pa las/ lha gcig khri btsun bsang bu 'dren du 'ongs pa las/ na ma gcig lha gcig khri btsun dbu skru 'khru bas ma khom ste g.yog mo la/ dngul gzhong chen por sha gsar pa dang mar gsar pa dang spod kyis sbran pa la sogs g.yos sna bcu gnyis 'bras chang dang bcas pa rgyal po la 'dren du btang bas/ sprul pa'i bzo bo sum brgya bzo byed kyi 'dug pas de'i nang nas rgyal po ngo ma shes te/ pho brang du phyir log go/ /de nas lha gcig rang bsang bu 'dren du song ba las/ rgyal po dbus kyi de yin/ ber nag po gsol ba la thod dmar po can de yin no zer bas/ de nas phyir g.yog mos bltar phyin tsa na/ lha gcig ra sa'i nang song nas dbus kyi de dkyil 'khor gyi kha na thig gu nag po'i sna la bzung ba'i zer nag po gsol/ la thod dmar po dbu la bcings pa de la bsang bu 'dren pa dang / rgyal pos bsang bu blangs pas tig gu lhod song ba dang shing bzo ba thams cad 'gyel nas 'og na 'jag ma lhag ge 'dug pa bu mos sgo bar nas mthong bas/ 'o na lags thams cad 'phrul du snang byas pas/ rgyal po de la yengs bzhin du ste'u'i kha thal bas seng ge gcig gi sna bcad pas/ bzo bo brgyas seng ge re'i sna bcad/ rgyal pos spang leb gcig la gzong kha thal nas/ bu gu gcig phug pas bu gu brgya phug rgyal pos log le kha thal bas/ ka ba gcig zur nyams pas/ ka ba brgya'i zur nyams par gyur to/ /der rgyal po'i zhal nas/ nga'i 'phrul pa 'bangs mi tshun chad kyis shes so gsungs nas/ 'phrul pa zhig pas snang ba gsum du byung ngo / /skye bo phal ba'i snang ba la/ shing dang 'dag pa'i mi la ste'u ltag re brgyab pas zhig par mthong ngo / /blon po chen po rnams kyi snang ba la sprul pa'i shing bzo ba rnams rtsig pa'i gseb na phar rkang pa gzhug nyug ge song bar mthong ngo / /rgyal po yab yum shing bzo'i dbur chag dang tson rtsi la sogs tshar bar gzigs so/ /de nas shing rnams sngar gdung cher du bcer ba dang / sa srod/ blon po dag na re/ da sa yang srod/ sprin yang 'thibs/ glog kyang byung / char 'bab pa 'dra na/ rgyal po'i shing gi rtsi 'jig pa srung ba'i phyir grong khyer ba rnams kyi re ba dang phyar sle rnams bsdus la shing la g.yogs dgos pa/ las kyi rnga brdungs pas/ grong khyer ba na re/ sngar rgyal po gtsug lag khang gartsigs pa la las kyi rnga ma brdungs pas/ ngal gso na ci byed zer/ sgo ba na re/ shing gi char skyibs re ba rnams kyis shing la bkab dgos pas bye ma'i gling du 'khyer la shog ces bsgo 'o/ /grong khyer ba thams cad phyar ba la sogs pa thams cad khyer nas ra sa'i 'gram du phyin tsa na/ srod la rgyal pos sprul pa byas pas/ ra sa'i thog phug zin nas/ steng nas sprul pa'i mi pha tshe thogs pa yud yud 'dug pa blon po rnams kyis mthong ngo / /blon po rnams ngo mtshar du gyur ro/ /re ba rnams kyis ra sa'i rgya mthongs bkab po/ /de nas sang nangs par rgyal pos de na gang legs pa zhig la nga'i jo bo thugs rje chen po gtso 'khor dgu po'i bzhugs sa bya dgos snyam nas gtsang khang ltar byon pas/ dbus kyi gtsang khang sgo phye ba dang /