po 'byung bar 'gyur/ /de la byang chub sems dpa' mang po yis/ /sku gzugs 'di la bsnyen bkur mchod pa byed/ /phyogs bcu kun tu gtsug lag khang skyong zhing / /dam pa'i spyod pa tshul bzhin byed par 'gyur/ /de nas bdud rigs sprul pa'i ban de yis/ /sde rtsod byas nas dam chos nyams smad de/ /gnas la 'thab ras bskor nas dge 'dun dkor la spyod/ /gtsug lag khang la 'thab ra byed pa dang / /dgon pa'i gnas la 'phrog 'jom byed pa 'byung / /mtshon cha lha rten rnams la thob sha byed/ /dkon mchog gsum gyi rten la yang zor byed/ /kye hud bstan pa thal ba bzhin du brlag par 'gyur/ /de yis bdud kyi phyogs rnams rgyas pa yis/ /gang zag rnams kyi shes pa bsgyur byas nas/ /mi 'tshams spyod pa sna tshogs byed par 'gyuur/ /chos pa thams cad 'dre dang thun mong byed/ /sa gzhi 'di yang shin tu rtsub par 'gyur/ /chom rkun mi rgod mang po 'byung bar 'gyur/ /'dre dang 'dra ba'i mi rgod mang po 'byung / /'di la chos byed rnam par 'tshe bar 'gyur/ /de dus nub kyi phyogs su sku 'khrungs pa'i/ /dge slong bya yi gdong pa can gcig 'byung / /bya chub sems dpa'i blo gros sgrub par ldan/ /rin chen bzang po zhes su grags pa des/ /'di la mchod pa bsnyen bkur rgya cher mdzad/ /skor ba phu dud rim gro byed par 'gyur/ /de dus rgyal po 'od kyi mtha' can ni/ /byang chub sems dpa' blo gros bstan pa 'byung / /de yis byang chub sems dpa' paNDi ta/ /bslab pa gsum ldan sdom gsum dag pa yi/ /mkhas par sgrub pa mngon par brtson pa yis/ /rigs btsun yon tan ldan pa spyan drangs nas/ /sku gzugs 'di la mchod byed phyag kyang 'tshal/ /bsnyen bkur phun sum tshogs pa byed par 'gyur/ /de yis bstan pa shin tu rgyas par mdzad/ /de'i slob ma tshul bzin bzhugs pa yi/ /dge bsnyen dam pa bstan pa'i mnga' dag ni/ /'di la bsnyen bkur byed cing mchod par 'gyur/ /bstan pa'i mnga' bdag dge bsnyen bkur byed cing mchod par 'gyur/ /bstan pa'i mnga' bdag dge bsnyen dam pa zhig /byang chub sems dpa' 'dzam gling rgyan grags pa/ /'khor gyi ni stong phrag phyed dang bcu gsum ldan/ /byon nas 'di la bsnyen bkur byed par 'gyur/ /de bzhin byang chub sems ldan ston pa mang po skyong / /de nas rigs pa smra zhing snang ba smra ba yi/ /ston pa rnams ni nam mkha'i skar ma 'dra/ /de nas dkar po'i phyogs rnams mthu chung zhing / /bdud kyi rigs rnams rab tu rgyas pa yis/ /bdud kyis byin rlabs gang zag mang pa 'byung / /gzi brjid che zhing stobs kyang che ba dang / nus pa che zhing mthu yang che ba dang / /mngon shes phra mo ldan zhing bden pa'i ngag tsam 'grub/ /de nas rtog chos mang po byed par 'gyur/ /sangs rgyas bstan pa 'dre chos mang pos dkrug /'dra min chos lugs mang po ston par byed/ /blo gros phyin ci log tu 'gyur bar byed/ /med par lta ba dngos po'i phyogs bzung nas/ /kun rdzob bden pa khyad du bsad nas ni/ /lus ngag dka' thub 'gog par byed pa 'byung / /phyogs med rigs med byar med zer ba dang / /rgyud zad rkyen zad lhun grub zer ba dang / /lung ma bstan pa'i lha yang mang po 'byung / /rgyal bas ma gsungs mkhas pas ma mdzad pa'i/ /lo paN ma bsgyur chos ltar bcos pa 'byung / /med par lta ba'i phung krol gzhi yang yin/ /de ltar