pa can gyi dam chos mang po yis/ /rab tu byung nas dge 'dun sde yang 'dzugs/ /brtson 'grus can gyi sngags pa mang po 'byung / /thun mong dngos grub thob nas mgo 'tshams mang pa ston/ /de ltar chos skyong rgyal po chen po des/ /bod 'bangs bde skyid dga' ba'i chos la sbyor/ /rgyal po'i mdzad spyod phun sum tshogs pa yin/ /'bangs kyi bde skyid phun sum tshogs pa 'byung / /des kyang sku gzugs 'di la zhabs thog byed/ /de sras byang chub sems dpa' gcig gis kyang / /sangs rgyas byang chub sems dpa'i bstod bsngags brjongs/ /sangs rgyas bstan bsrung zhing rgyas par skyong / /sku gzugs 'di la zhabs thog byed par 'gyur/ /de'i sras su byung ba byang chub sems dpa' gnyis/ /gcig ni bdud rigs rgyal po nag por 'gyur/ /de ltar bdud rigs nag po'i rgyal po des/ /bod 'bangs yongs kyi bsod nams zad pa dang / /sangs rgyas bstan pa nyams par gyur pas na/ /nag po bdud kyi lha 'dre dar gyur nas/ gnam the dkar po'i sprul pa blon po 'byung / /de'i 'khor gyis 'gong po dgur sprul nas/ /bod la gnod pa byed pa 'byung bar 'gyur/ /de nas gnam the dkar po'i sprul pa'i blon po des 'dre'i sprul pas sngags pa gsod par 'gyur/ /de yis dkar po'i phyogs kyi lha 'dre 'khrugs/ /nag po'i phyogs kyi lha 'dre thams cad kyis/ /rgyal po bdud kyi phyogs kyi dpung byas nas/ /byang chub sems dpa'i rgyal po gnyis po yang / /gcig ni spyugs la gcig ni gsod par 'gyur/ /de nas nag po'i phyogs nas dar gyur nas/ /sangs rgyas bstan pa shin tu nub par 'gyur/ /gtsug lag khang bshig phan tshun chad pa gcod/ /dge ba spyod la log pa'i bka' bkyon thebs/ /sdig pa spyod la legs pa'i bya dga' ster/ /dgon pa thams cad ri dwags dgon par 'gyur/ /gtsug lag khang kun phyugs ra dag tu 'gyur/ /ston pa rnams ni las byed las khur byed/ /ban de rnams ni lings byed rngon pa byed/ /kyi hud nag po'i phyogs rnams dar bar 'gyur/ /sangs rgyas bstan pa nyams smad gyur pa na/ /nag po'i phyogs rgyas mun par 'gyur du nye/ /de dag dus su sku gzugs 'di rnams kun/ /re zhig zab mo'i gter du gser ltar sbos/ /rgyal po de nyid tha ma gri ru 'gum/ /de sras ring nas bka' chad dbu yogs kyis/ /rje'u rnams la 'bangs kyis kheng log byed/ /de dus ngan song 'gro ba mang po 'byung / /bcud rnams sas 'thung sman rnams nus pa chung / /ro rnams mi zhim lo tog sad ser mang / /'bru rnams skyed khungs zhan zhing phyugs rnams bzhon she chung / /gangs dang stobs dang tsher dum rtsub pa 'dra/ /g.yang sa grog ral ma rungs pa rnams 'byung / /gcong rong sa ral shin tu mi bde zhing / /rtsi shing skam zhing sa rdo ri bo nyil/ /gza' skar log gyur char chu mi snyom zhing / /nad mang tshe thung mu ge mang po 'byung / /'dre gnod mang zhing 'dre chos mang du 'byung / /'gong po spun dgu mi yul bcas pa yis/ /phyugs kyi g.yang nyams 'bru bcud mi bzang ste/ 'thab rtsod mang zhing zhe 'gras mang du 'byung / /matson cha dar bas rgyan cha mtshon la re/ /dgra jag mang zhing rku 'phrog srog gcod byed/ /de ltar rgyal khrims nyams zhing chos khrims zhig pas na/ /bod 'bangs rnams la mi bde sna tshogs 'byung / /de nas byang chub sems dpas bstan pa'i me ro slong / /sde pa dge 'dun mang