rgyal byang chub sems/ /chu yin chen po kun la phan par mdzad/ /gnam mtsho phyug mo'i nang klu sman byang chub sems/ /thang la'i brag la dgra bcom mang pa yod/ snubs matso gling dgu'i nang na klu rgyal byang chub sems/ /ha bo'i gangs la dgra bcom mang po yod/ /gnyi bdag gnod sbyin gang ba bzang po gnas/ /ri mtho sa gtsang gangs ri gnyan gyis bskor/ /sgra dag skad snyan sam skri ta dang mtshungs/ /rgya skad chos skad sbyar ba'i sgra dang mtshungs/ /yangs shing tha gru che bde'i spyad dang yod/ /de ltar yon tan ldan pa kha ba can gyi yul/ /de dbus skyes pa'i mi lus thob pa rnams/ /dam chos slob la rtsol ba ma zhan cig /sngon gyi smon lam dag pas de 'dra'i yul skyes nas/ /dad gus mos pa yod par ldan pa ni/ /gzhan bya mi dgos sku gzugs 'di la gus pa thams cad ni/ /phyir mi ldog par rgyal bas lung bstan pas/ /'di la gus pas mchod cig bod 'bangs rnams/ /bdag gis de skad skul ma 'debs byed pa/ /snyan phyir ma yin grags pa'i phyir ma yin/ /snying rje kun nas bslangs pa'i tsig yin pas/ /gus pas spyi bos btud de blang bar mdzod/ /ces gsungs te/ rgyal po yab yum gsum po jo bo thugs rje chen po rang byung lnga ldan la thim par gyur te/ blon po sna chen po dang bod kyi blon po glo ba nye ba rnams na re/ nged dang rgyal po zhal ma mjal zer na/ nga'i lha thugs rje chen po la gsol ba thob cig ci bsam don du 'grub par 'gyur zhes gyis shig lha gcig khri btsun zhal phyir log mdzad nas sna chen po la/ bod kyi blon po glo ba nye ba rnams nged lha gcig khri btsun dang zhal ma mjal zer na/ nga'i lha thugs rje chen po la phyag gyis shig ci bsam don du 'grub par 'gyur ro gsungs/ lha gcig kong jo zhal log byas nas sna chen po bod kyi blon po glo ba ne ba rnams na re/ nged lha gcig kong jo dang zhal ma mjal zer na/ nga'i lha thugs rje chen po la phyag gyis shig ci bsam don du 'grub par 'gyur ro/ /gsungs nas yab yum gsum ga lha la thim par gyur to/ /de nas rgyal pos phyag gnyis brkyangs nas lha gcig gnyis kyi spyi bor bzhag pas/ lha gcig khri btsun pad ma dkar po 'dab ma brgyad pa yi ge bam gyis mtshan par gyur to/ /lha gcig kong jo uta?pal sngon po yi ge Ta~M gyis mtshan pa gcig tu gyur to/ /rgyal po zhal sgo ngos su log mdzad nas spyan zur zhig gzigs te/ jo bo thugs rje chen po'i rtsar gshegs pa dang / rgyal po'i dbu'i a mi de ba dang / jo bo thugs rje chen po dang rang byung lnga ldan gyi dbu'i a mi de ba gnyis po mnyam khad de gda'/ thugs rje chen po'i thugs ka nas 'od zer zla ba nya ba lta bu tsam pa zhig shar ba de las 'od 'phros nas song bas/ ra sa'i phyi nang thams cad khyab pas/ steng khang gi rta mgrin dkar po'i sku las 'od zer dung lta bu byung ste ra sa'i phyi nang thams cad 'od kyi dra bas khyab par gyur to/ /yang steng khang dbu rtse'i sgo ngos la bcom ldan 'das mi bskyod rdo rje'i sku las 'od zer gser lta bu byung nas kyang de bzhin no/ /yang 'og khang gi sangs rgyas sman bla'i sku las kyang 'od zer baiDUrya lta bu 'phros nas kyang de bzhin no/ /'og khang dbu rtse'i lho ngos nas 'phags pa 'jam dpal gyi sku las 'od zer gur kum gyi mdog lta bu 'phros nas kyang de