bzhin no/ /de nas khro rgyal sme ba brtsegs lapa'i thugs ka nas 'od zer 'phros pas/ 'od zer re re'i sna la khro chung re re bzhugs nas ra sa'i phyir nang thams cad khengs par gyur nas kyang de bzhin no/ /gsang bdag phyag na rdo rje'i thugs ka nas 'od zer mthing ga 'phros pas kyang de bzhin no/ /byams pa chos kyi 'khor lo'i thugs ka nas 'od zer 'phros pas kyang de bzhin no/ /yang dngul gyi byams pa mched gsum gyi thugs ka nas 'od zer 'phros pas kyang de bzhin no/ /ra sa'i gtsug lag khang thams cad khyab par gyur to/ /de ltar gyur pa dang phyi nas blon po bcu drug po slebs te/ rgyal po'i ber khri thog na cam me 'dug rgyal po sku mi bzhugs par mthong bas/ der blon po bse ru gung ston na re/ sna jachen po khyod rgyal po'i sku srung la bzhag pa yin pa la/ rgyal po gar gshegs zer ro/ /tshig de lan gsum du bzlas kyang sna chen po snyam na/ tshul de lta bu su la bzlas kyang yid ches par mi 'gyur snyam nas/ mgo bstums te ngo gnong gnag par gyur to/ /de la blon po bal gyi gtan ring po
( sbas sgyid thag ring mo)
na re/ sna chen po khyod bod kyi zhang blon rnams kyi bka' lan gsum du gcog gam ske gcad dam zer nas/ jo mo mong bza' snyam na/ sna chen po ske bcad na bod thams cad 'thabs nas/ yab rgyal po ni lha la thim/ sras ni chung / rgyal khrims zhig nas 'gro snyam nas/ khong rgyal po yab yum gsum ka lha jo bo thugs rje chen po'i thugs kar thim thal byas nas/ der sna chen po'i bsam pa la/ jo mos shags 'byed pa 'dug snyam nas ji ltar gyur pa rnams dang / gsungs par gyur pa rnams smras so/ /de'i dpang po la rgyal po'i ber kyang mngon gsum mo/ /jo mo gsum gyi phyag rten yang mngon gsum mo/ /jo mo mong bza' khri lcam yang mngon sum du yod byas pas blon po chen po rnams yid ches te/ yang blon po dpal gyi brtan ( sbas sgyid thag ring mo )
nas/ rgyal po spyan ras gzigs kyi sprul pa yin pa'i gtan tshigs ci yod pa yin zer ro/ /blon po thon mi sam bho Da mi chung na re/ rgyal po 'phags pa spyan ras gzigs kyi sprul pa yin pa'i gtan tshigs gsum nga la yod de/ de pho brang byams pa mi 'gyur ba na sku bltams pa'i dus su rgyal po'i dbu la a mi de ba'i dbu yod pa a mi de ba'i dbu la thod gsol te 'phags pa spyan ras gzigs dngos yin bya ba dang / pho brang khra 'brug lha khang de nyid bzhengs pa'i dus su/ mchod rten dbu lha'i rtsa na dge slong gi gzugs gcig 'dug pa la phyag byas nas de ngo mtshar ram byas pas/ dge slong de kha byad shin tu ngan te rnam 'phrul 'di ngo mtshar ram zer nas mchod rten dbu lha po lag sor la brten pas/ rgyal po na re/ khyod sangs rgyas kyi bstan pa'i bslab pa la zhugs pa ngo mtshar te/ nga rgyal srid skyong ba'i rgyal srid skyong rgyal po'i spyi gtsug gi lha 'di ngo mtshar ram byas te dbu thod phud nas a mi de ba bstan pas/ dge slong na re/ lha gcig las mi 'dug pa zer nas/ der thod pa dung khang kha phye ste dpal gsang ba 'dus pa'i lha tshogs rnams bstan/ de'i tshe rgyal po a mi de ba bzhugs pas/ 'phags pa spyan ras gzigs dbang phyug kyang / li yul du dge slong gnyis kyis 'phags pa 'jam dpal bsgrubs pas/ 'jam dpal gyi zhal nas nga la khyod ci byed zer/