'phags pa spyan ras gzigs zhal blta bar 'tshal zhus pas/ spyan ras gzigs dbang phyug da lta bod na rgyal po byed kyi yod/ der song la zhal la ltos gsungs nas lung bstan/ de ma thag tu khong gnyis kyis phyag rten khyer nas yong bas/ yar lung u rar phyin tsa na rgyal khrims kyis chad pa phog pa rnams la nyes pa len pa'i mgo 'breg pa dang / mig 'byin pa dang / sgyid ma 'breg pa dang / lag pa 'breg pa la sogs pa'i chad pa gcod pa mang po mthong bas/ der 'di rnams ci yin byas pas bod kyi rgyal pos khrims kyi chad pa gcod pa yin zer bas/ 'o na bod kyi rgyal po sdig pa can du 'dug 'phags pa spyan ras gzigs kyi sprul pa ma yin par 'dug zer nas phyir log de nas yang rgyal po lha sa la bzhugs zer nas/ sbu ru'i dan 'bag gi thang la phyin pas/ yang rgyal pos chad pa bcad pa'i mig phyung ba dang / mgo 'breg pa dang / yan lag bcad pa phung por spungs pa mthong / phyir log la 'phags pa 'jam dpal gyis rang re spyan ras gzigs dang ma sprad par bdud dang sprad 'dug zer zhing rgyal po la rngan bgrang gin phyin pas rgyal po ra sa na bzhugs palas mkhyen te/ nang blon zhig la chibs pa gur nag po bskyon nas khyod song la dan 'bag gi thang la mi cha byad mi 'dra ba gnyis 'gro yin yod de gnyis nan gyis bos la shog gsungs nas/ de gnyis pos nas yong ba dang / rgyal pos de la li'i skad du smras te/ khyod gnyis ci byed du 'ongs/ gtad sa ci yod gsungs pas/ 'phags pa 'jam dpal gyis lung bstan nas spyan ras gzigs dbang phyug da lta bod na rgyal po byed kyi yod der song zer 'ongs lags/ spyan ras gzigs bdud du gyur bya ba'i rngan chos mang po smras pas/ rgyal po na re/ 'o na khyed nga'i dbu'i a mi de ba lta bar 'dod dam gsungs pas/ de lta bar 'dod 'tshal byas pas/ lha sa'i ne'u chung bye ma'i gling du khrid nas dbu thod phud nas a mi de ba de gnyis la bstan pas yid ches te/ 'o na mig 'byin pa dang / mgo 'breg pa dang / sgyid pa gcod pa la sogs pa byed pa ji ltar lags zhes zhus pas/ nga'i 'bangs 'khor nag po 'di rnams zhi bas mi 'thul bar sprul pa byas nas drag pos 'dul ba'i tshul byas pa yin/ da khyod rang mgo dang / mig dang / yan lag bcad pa la sogs pa sprul pa yin pas bltar song dang / ngas ni rgyal srid bzung nas sems can la'ang gnod lapa byed ma myong gsungs pas/ khong gnyis kyis bltar phyin pas/ mgo dang yan lag bcad pa'i phung po rnams rdo dang g.yam pa la sogs par song 'dug pas/ de sprul pa yin par shes nas khong gnyis skyengs so/ /rgyal pos gnyis la dngos grub ci 'dod sbyin no gsungs pas/ kho bo cag gnyis la gzhan ci yang mi 'tshal te/ slar li yul du 'gro bar 'tshal zhes zhus pas/ 'o na khyed gnyis bye ma bre re thu bar thums la mgo bo nga'i spus mo la sngas gyis shig gsungs/ de skad nyan nas byas pas de gnyis kyi gdong la phyag gis byil byil byas pas bye ma gser du bsgyur thu bar bzung gda'/ de nas skad cig la li yul du phyin pa li'i lung bstan chen po nas lung de skad bstan gda' byas pas/ der blon po thams cad yid ches te thams cad gros byas nas phyi rabs pa rnams kyi don du rgyal po lo brgyad cu rtsa bzhi la sku 'das/ li yul gyi za mo rar sku gshegs byas nas stag sgro