'grub pa lags/ slob dpon gyi zhal nas/ da byang chub sems kyi zhi bas 'gro ba sems can gyi don byed pas mi thul bas/ 'di na nged rang rgyal po dang skye ba snga ma la smon lam lhan gcig tu btab pa'i o rgyan gyi rgyal po inda? bo dhi'i sras mdzad pa'i sprul pa'i sku pad ma 'byung gnas zhe bya ba/ rgya gar yul gyi tshur mtha'/ bal po'i yul gyi phar mtha' na/ yang lo shod kyi brag phug na mchog gi sgrub pa mdzad kyin bzhugs pas de spyan drangs na lha 'dre gdug rtsub can thams cad 'thul zhing rgyal po'i bsam pa 'grub par mchi/ de yang ngas bzlas pa skad ma zer zhes rgyal po la smras so/ /de nas rgyal pos nang 'khor blon 'bangs rnams la/ mdang gsum ngi rmi lam na rgya gar dang bal po'i so mtshams yang le shod kyi brag phug na o rgyan rgyal po'i sras mdzad pa'i slob dpon pad ma sam bha ba bya ba mthu rtsal che la dgongs pa zab pa sprul pa'i sku gcig bzhugs pas de spyan drangs na/ nga'i bsam pa 'grub par rmis pas/ de spyan 'dren dgos pas khyed bang chen mi gsum gtong zhes bka' bstsal pas/ blon 'bangs rnams kyang de 'thad do zhes thag bcad do/ /bang chen pa khas len pa ma byung bas rgyal pos bka' bstsal te/ sngas mang rje gsal snang dang / se 'og lha lung gnyis g.yog po gsum dang bcas la gser phye bre gang bskur/ bar gyi lam rgyags dang bcas lam du zhugs pa dang / slob dpon gyi spyan sngar srung ma rnams kyis bskul ba dang thugs kyis mkhyen pas/ bod yul has po ri'i rtser bod kyi rgyal po lha sras btsan pos gtsug lag khang gcig bzhengs su gsol bas slob dpon chen po'i spyan sngar mang chen pa 'ong bas de rnams thang chad nyon mongs pas slob dpon chen po mang yul gung thang tsam du gshegs pa zhu zhes srung ma rnams kyis bskul bas der slob dpon gyis rdzu 'phrul gyis nam mkha' la byon nas mang yul gung thang la zla ba gnyis bzhugs pa dang / bang chen pa rnams dang mjal nas slob dpon gyis mkhyen bzhin du khyed su yin/ gar 'gro gsungs pa dang / sbas mang rje gsal snang gis nged bod kyi lha sras btsan pos slob dpon pad ma 'byung gnas spyan 'dren du btang ba lags khyed rang lags sam zhus pas/ 'o na de nga yin/ zla ba gsum gyi gong nas srung ma rnams kyis bskul te/ khyod lha sras btsan po'i bang chen pa rnams nyon mongs kyis dogs nas 'dir bsdad pa yin/ khyed la sku yod 'bul rgyu ci yod pa phul cig gsungs pas/ phyag 'tshal skor ba byas te gus pas gser phul lo/ /da ci yod phul cig gsungs pas/ rgyal pos ni de las ma bskur lags/ nged mang chen pa gsum gyis lus ngag yid gsum 'khor gsum yongs su dag tu 'bul zhes phyag 'tshal skor ba byas/ zhabs spyi bor blangs nas zhu ba phul ba/ slob dpon chen po sprul pa'i sku lags/ bdag cag bod kyi lha sras btsan pos thugs dam 'gro ba sems can yongs kyi bsod nams gsog pa'i zhing gtsug lag khang gcig bzhengs pa la slob dpon bho dhi sa twas sa gzhi byin gyis brlabs pas/ bod kyi lha srin gdug rtsub che bas bzhengs su ma btub par/ bod kyi rgyal po'i thugs dgongs sgrub pa dang / gdug pa can tshar gcod pa dang 'dul ba'i don du gshegs par zhu 'tshal zhes zhu ba phul bas/ slob dpon thugs dgyes te nga khyed kyi dad pa dang gus pa dang g.yo zog