med pa la dga' bas khyed rnams sad pa yin/ nga la snang ba thams cad gser du yod gsungs nas/ phyag g.yas pa gung thang gi phyogs su brkyangs pas g.yas phyogs kyi ri thams cad g.yom du bsgyur/ phyag g.yon pa nub phyogs su brkyangs pas sa rdo thams cad gzi mchong ron po che gser g.yur bsgyur nas bang chen pa kun la'ang byin no/ /nga'i rdzu 'phrul 'di ltar che ste/ khyed rnams yid dang ches te 'ong / yid chas par gyis shig rgyal po'i bsam pa 'grub par 'gyur ro/ /khyod kyi gser gyis nga la bya rgyu med/ 'on kyang mnga' bdag gi dgongs pa rdzogs par bya ba'i don du re zhig blang gi gsungs nas/ mang yul dang bal yul gyi phyogs su gtor bas dus phyis bod kyi gser dngul thams cad bal yul phyogs su 'dor bar 'gyur ro zhes gsungs so/ /der bsgyur ba'i gser g.yu bang chen pa kun la byin pas kun rdzun yin nam snyam/ so sor kha phye nas bltas pas bden par snang ste thams cad yid ches so/ /slob dpon pad ma'i thugs rjes bod yul du dpon slob rnams byon pa dang / mang yul don khar phyags phebs te/ de la stod mnga' ris kyi lha srin mthu bo che rnams 'dus te/ jo bo gyer rgod la 'khor gnam sman bdun stong gis bskor ba/ gangs sman zhu le ma stong / g.ya' sman si le ma stong / spang sman yal le ma stong / brag sman khrol le ma stong / thang sman thor re ma stong / chu sman zu le ma stong / mtsho sman rgyal le ma stong / gzhan yang stod kyi rung dgu la/ tang rung gi za ma tog ne'u'i su le rung / la kogs kyi ma ga rung / phyis ri'i te se g.yu rung / ra zad kyi she lo rung / pad ka'i 'ur re rung / khu phu'i shel yag rung / le mur gyi thog rung / she mur gyi dpal rung / sad mig gi ting rung la sogs pa'i srid pa'i rung chen po rnams dang / the si'i lha btsan/ mon pha'i lha btsan/ bsu'i lha btsan/ yu mo gnyan po/ srang ri'i g.yug khri/ zhang gi lha dgu/ rgyor dbang jo she/ jo mo tho mug blo rig rdo rje btsan/ la ngag gi do btsan/ sman gyi rgyal mo nags nyil/ le nag saman gyi rgyal mo/ tshon phur bzhi'i lha mo/ dgra lha'i rgyal mo stag ri rong / srid pa'i rgyal mo mu tsa med la sogs pa/ ag se rgyal ba ra la zhon pa/ mu thur smug po khyung la zhon pa la sogs pa/ stod mnga' ris kyi lha 'dre mthu bo che rnams 'dus te/ slob dpon g.yog rnams gangs bar btsir bar byas pa la/ slob dpon gyis phyag 'khar brag la btsugs te lam btod nas ri'i kha na phar byon pas/ srid pa'i lha srin rnams skrag ste dngangs shing bred par gyur ro/ /der srid pa'i rgyal mo mu tsa med la sogs kyis srog gi snying po mdongs gsol du phul te sangs rgyas kyi bstan pa bsrung bar khas blangs so/ /mo'i gsang mtshan yang gangs kyi yum gcig rdo rje kun tu bzang bya bar btags so/ /de nas mar byon pa dang / brin chu dbar gyi so mtshams kyi lha srin bkra shis tshe ring ma btul nas dam la btags te ming yang bdag nyid chen mo rdo rje kun grags mar btags so/ /de nas mar byon pa dang stod btsan 'khor glen pa lkugs pa/ rmug po 'chong gong / rkyang rtags kyi rdo ring dmar po/ jo bo ri bo btsun ni/ stong chen po dgu la dbang ste/ lcags stong nag po zangs kyi ska rags can na bdud kyi stong sde phyed dang bcu gsum/ zangs stong dmar po