g.yu'i ska rags can na btsan gyi stong sde phyed dang bcu gsum/ stag stong khra bo gzig gi ska rags can na rmu'i stong sde phyed dang gsum/ gzig stong thig le can na klu'i stong sde phyed dang bcu bzhi/ bse stong gser po can na gza'i stong sde phyed dang bcu gsum/ g.yu'i stong sde gser mig can na ma mo'i stong sde phyed dang bcu gsum/ spyang stong dkar po lhag pa'i ska rags can na rgyal po'i stong sde phyed dang bcu gsum/ ra gan thal ba stong na 'gong po'i stong sde phyed dang bcu gsum ste lha srin de rnams kyang dam la btags so/ /de nas mar byon pa dang gnam sman dkar mos slob dpon la thog phab par byas pa dang / slob dpon gyi phyag g.yon pa'i mthil du chu me long gang tsam bzhag pa dang / der swa zer song ba dang thog skam po sran ma tsam bdun du song 'dug der mo ya mtshan skyes te bred nas dpal mo dpal mtsho lha mtsho srin mtsho bya bar bros so/ /slob dpon mtsho me dpung du bsgoms pas mtsha lhag gis khol ba dang mo'i sha dang rus pa bye ste bros pas/ slob dpon gyis rdo rje brgyab pas mig g.yas pa zhar te/ ston pa'i zhal skyin rdo rje thod 'phreng rtsal/ bar chad mi bgyid thugs kyis dgongs pa glod/ /bdag ni 'jigs shing skrag pas srog gi dbang po 'bul/ phyin chad slob dpon bka' bzhin bstan pa'i srung bar bgyid/ ces ming yang gangs dkar sha med rdo rje spyan gcig mar btags so/ /de nas 'jad shul tu byon nas brag phug sgrub khang du zhag gsum bzhugs/ sa'i kha gnon du mchod rten bzhengs/ sa gzhi byin gyis brlabs/ rdo la zhabs rjes bzhag go/ /de nas mar byon te shangs kyi lha phu'i zab phu lung du zhag bdun bzhugs/ 'od yug tu byon/ sding ma'i steng phyogs kyi brag phug tu zhag bdun bzhugs/ lha klu gdug pa can btul nas byin gyis brlabs so/ /de nas gnam du byon te gnam byang ngos kyi brag phug tu zhag bdun bzhugs/ byang gi 'dre srin spun bdun btul/ sa gzhi byin gyis brlabs so/ /de nas bod kyi bstan ma rnams kyis bar chad bya bar brtsams pas/ slob dpon gyis ri gnya' thams cad zhabs kyis bcags/ phyag mkhar gyis bor de g.ya' ri dang gangs ri'i gnas thams cad bshigs te btul/ bstan ma bcu gnyis/ skyong ma bcu gnyis/ ya ma bcu gnyis btul nas dam la btags te srog gi snying po phul lo/ /de nas pho lo sha lung du byon tsa na lha yar la sham po g.yag dkar po ri log tsam gcig tu sprul nas byung bas/ slob dpon gyis lcags kyu'i phyag rgyas sna nas bzung / zhags pa'i phyag rgyas yan lag bcings/ lcags sgrog gi phyag rgyas bsdams/ dril bu'i phyag rgyas mnyed par byas te/ g.yag de btul bas/ der lha yar la sham pos srog snying phul te dam la btags so/ /de nas thang lha'i sar byon pas thang lhas slob dpon nyams sad de/ gnod sbyin chen po gcig tu lus sprul nas slob dpon 'khor bcas za ba'i tshul du byas pas slob dpon gyi phyag gis sdigs mdzub gtad pas byis pa gzhon nu g.yu'i zur phud can zhig tu gyur te zhabs tog pa kun skrag nas slob dpon lha 'am pha gi ci lags/ bdag cag ni 'jigs par byung zhus pas/ slob dpon gyi zhal nas 'di ni klu'i rgyal po mos thod dkar zhes kyang bya/ gnyan chen thang lha zhes kyang bya ste/ 'di la ngas gro gcig blang gi gsungs nas 'khor kun la mi 'jigs