so/ /bdag 'dra pad ma 'byung gnas kyis/ /sum stong lon nas bod yul dbus su 'ongs/ /rgyal po'i bka' bzhin snang srid dregs pa'i lha 'dre btul/ /thams cad sangs rgyas bstan pa'i sgo ru mos par byas/ /dpal gyi bsam yas lhun gyis grub pa bzhengs/ /zhes so/ /de nas slob dpon pad ma 'byung gnas dang / mkhan po bo dhi sa twas bsam yas lhun gyis grub pa'i gtsug lag khang gi rab gnas mdzad pas/ byin rlabs ngo mtshar ba'i ltas lnga byung ste dbu rtse'i lha rnams phyir shad kyis byon te/ yang lha khang nang gi so so'i pad ma'i gdan la bzhugs pa dang / byang chub gling gi rnam par snang mdzad nam mkha' la 'phags pa dang / mchod rten sngon po sman gyi yul du 'phul ba dang / de la gzer bzhis mnan pa dang / arya pa lo'i gling gi rta mgrin gyis rta skad khams gsum stong gsum ber ber lan gsum bsgrags pa dang / phyogs bzhi'i rdo ring bzhi'i steng nas zangs kyi khyi pho bzhis skad bton nas mchongs pa dang / dbu rtse 'khor ba'i snyug ring khad kyis dus gcig la rdzogs par skyes par dang / gzhan yang bkra shis shing ya mtshan pa'i ltas mang du byung zhing / byin rlabs cho 'phrul mang po byung / de nas rgyal po khri srong lde btsan gyis slob dpon pad ma 'byung gnas dang / slob dpon bo dhi sa twa gnyis gser gyi khri la bzhugs te/ 'jig rten gyi spyan gzigs sna tshogs drangs tegatang rag chen po phul lo/ /dga' ston chen po yang byas so/ /skye bo'i tshogs chen po la yang sbyin gtong rgya chen po mdzad do/ /de'i dus su brag dmar mtsho mo mgur bya ba'i mtsho nang nas rgyu rin po che sna tshogs las grub pa'i me tog pad ma chen po gcig skyes pa la rje 'bangs thams cad dga' ba dang spro ba chen po skyes te/ mtsho'i mtha' mar rin po che'i khri brtsigs rgyal po'i gdan bzhi dang / zhal lu'i skyogs bzhi dang / 'bangs kyi gral brgyad byas/ bal po'i ma ru chang / rgya gar gyi go la dang / rgya nag gi ja la sogs pa 'jig rten gyi spyan gzigs sna tshogs bshams nas/ rje'i mgur glu bcu gsum bzhengs/ rgyal blon thams cad gos dang rgyan sna tshogs kyis brgyan nas lag pa 'brel te mi res glu re blangs/ rta res bang re rgyugs/ de la bkra shis kyi dong rtse/ bkra shis kyi bro mo che/ 'khor lo'i rtsibs ris/ rdo rje byang chub ris/ rin chen 'bar ris/ pad ma'i skor shon/ rgya khram gyi gsang lam ris/ dar ma'i bum chung / byang chub kyi rgyun lam la sogs pa'i glu bro rtsed 'jo dang / bro gar mang po mdzad/ skyid kyi mi lo gcu gsum la rgyal khrims dang chos khrims gnyis ka bor te skyid byas so/ /rgyal po snga dar gyi dus lags so/ /de nas slob dpon pad ma 'byung gnas dang mkhan po bo dhi sa twa gnyis rgya gar yul du bzhud par dgongs nas/ rgyal po la rgya gar yul du 'gro gsungs pa las/ rje mnga' bdag rgyal pos bzhugs par zhu ba phul bar/ u rgyan yul nas byon pa'i pad ma 'byung gnas dang / /za hor yul nas byon pa'i bo dhi sa twa dang / /bod yal dbus su skyes pa'i khri srong lde btsan gsum/ /sku skye ba yang snga'i dus tshod na/ /ma gu ta yi yul dag tu/ /mon phrug spun gsum dag skyes/ /de dus mchod rten gartsigs shing smon lam btab/ /rgyal pos chos rgyal smon lam btab/ /mkhan pos de'i bla mchod dag tu btab/