/slob dpon pad ma 'byuung gnas kyis/ /dregs pa 'dul ba'i smon lam btab/ /skye ba so sor smin pa la/ bo dhi sa twa bram zer skyes/ /btsad po drang srong rigs su skyes/ /bdag ni sra ma srin bur skyes/ /de gsum gcig tu 'tshogs nas ni/ /sngon gyi mchod darten de dag la/ /mchod pa chen po rab phul te/ /yang ni smon lam btab pa ni/ /drang srong bu'i smon lam ni/ /bdag ni tshe 'di'i phyi ma la/ /'khyags pa 'khyags yul mtha' 'khob tu/ /chos skyong rgyal por skyes nas ni/ /sangs rgyas bstan pa 'dzin par shog /chos kyi bstan pa skyong par shog /dge 'dun sde chen 'dzugs par shog /de skad smon lam btab pa yis/ /da lta rgyal por skyes pa yin / /bram ze'i bu'i smon lam ni/ /bdag ni mkhas pa paNDi ta/ /rig pa'i gnas la mkhas pa yis/ /rgyal pa'i bstan pa 'dzin pa yis/ /slob dpon byed par smon lam btab/ /da lta bo dhi sa twa yin/ /sra ma srin po'i smon lam ni/ /bdag ni sngags 'chang mthu stobs can/ /snang srid dregs pa 'dul bar shog /rgyal po'i bsam pa bsgrub par shog /de skad smon lam btab pa yis/ /smon lam btab mthu btsan pas/ /za hor u rgyan bod kyi yul/ /so sor skyes kyang bod yul du/ /slob dpon yon bdag gyur pa yin/ /rgyal po'i thugs dam bsam yas 'di/ /stag la rmang bting rta la 'byongs/ /lo lngas lhag pa med par 'byongs/ /bgegs zhi dus su bsam yas grub/ /bo dhi sa twa pad ma 'byung gnas bdag /rgya gar yul du 'gro bar zhu/ /zhes gsungs pa las/ rgyal pos slob dpon gnyis la gser bre re/ dngul skyogs bkang nas phul/ 'jig rten gyi zhal zas sna tshogs drangs/ phyag phul skor ba byas/ spyan chab bton nas zhu ba nan tan du phul ba/ e ma ho/ za hor u rgyan yul nas byon pa yi/ /slob dpon rnam gnyis bdag la gson/ /skye ba sngon yang smon lam btab/ /rgya gar yul du skyes nas ni/ /yang ni smon lam btab pa yin/ /slob dpon rnam gnyis rgya gar gyi/ /chos kyi yul du skyes pa yin/ /bdag ni kha ba can gyi ljongs/ /gdong dmar bod kyi yul du skyes/ /las kyi dbang gis rgyal por skyes/ /bdag gi yid dam bsam yas 'di/ /nyi shu rtsa gcig stag la rmang bting nas/ /slob dpon bo dhi sa twas sa gzhi byin gyis brlabs/ /bod kyi lha srin gdug rtsub can/ /bgegs kyis rtsig tu ma btub nas/ /slob dpon bo dhi sa twas lung bstan nas/ /sprul sku pad ma spyan drangs grub par ni/ /dngos grub thugs dam bdang btsan byon/ /stag nas rta'i bar lo lngas 'byongs/ /sngar yang sku drin che mod kyang / /khri srong lde btsan ma gum bar/ /bzhud par mi zhu bzhugs par zhu/ /thugs dam brtser dgongs gnang bar zhu/ /zhes zhu ba phul bas/ slob dpon gnyis kyis bka' bgros pa/ slob dpon pad ma'i zhal nas rang cag gsum tshe skye ba snga ma yang snga 'di gsum 'brel ba las 'brel yod pa yin pas rgyal po'i zhal ngo mi bskyungs gsungs so/ /slob dpon bo dhi sa twa'i zhal nas de shin tu legs pas de bzhin bgyi'o gsungs nas/ der slob dpon gnyis kyis rgyal po la bkas gnang ba la/ skye ba gsum gyi smon lam gyis/ /las kyi 'phros kyis bod du 'tshogs/ /sngar yang btsan po dgyes par bgyid/ /da yang btsad po'i zhal mi bskyungs bar bgyid/ /ces gsungs nas bzhugs par bkas gnang ngo / /de nas rgyal pos slob dpon gnyis la chos gsung par zhu