ma la dbang ba la las bcol ba'i phyir dpal 'bar khro mo'i rgyud/ bgegs gzir zhing mnan pa'i phyir zhing bcu sgrol ba'i rgyud/ de rnams ni ma ha yo ga'i rgyud yin no/ /lung a nu yo ga'i sde la mdo bzhi sems dang lnga las kun 'dus rig pa'i mdo/ ye shes rngam pa srog gi 'khor lo/ dur khrod khu byug rol pa'i mdo/ sems lung chen po'i mdo/ sangs rgyas thams cad kyi dgongs pa 'dus pa ni bka' thams cad kyi dems su bzhugs pa yin no/ /gsang ba sde drug la sku'i rgyud sangs rgyas mnyam sbyor/ gsung gi rgyud zla gsang thig le/ thugs kyi rgyud gsang ba 'dus pa/ yon tan gyi rgyud rnam snang rgyud dra/ 'phrin las kyi rgyud karma ma le/ mjug sdud don bsdus pa rdo rje gdan bzhi'i rgyud do/ /sgyu 'phrul sde brgyad la/ sems dang ye shes rang lugs su ston pa gsang ba snying po/ 'phrin las kha tshang bar bstan pa sgyu 'phrul bzhi bcu pa/ dbang mngon du gyur pa sgyu 'phrul bla ma/ dam tshig dang lta ba'i man ngag tu gyur pa sgyu 'phrul le lag don bsdus nas bstan pa sgyu 'phrul le'u brgyad pa/ rol pa mngon du gyur pa lha mo sgyu 'phrul/ de nas ma tshang ba kha skong ba sgyu 'phrul rgyas pa brgyad cu pa/ don dam pa ye shes su bshad pa 'jam dpal sgyu 'phrul lo/ /de rnams ni gsang sngags nang gi rgyud sde'o/ /slob dpon pad ma 'byung gnas dang cog ro klu'i rgyal mtshan gyis bsgyur ro/ /rgya dpe rgya gar shrI nA len dra'i gtsug lag khang nang bzhugs pa las/ slob dpon pad ma 'byung gnas kyis rdzu 'phrul gyis blangs te/ rgya gar du ma lus par rgya dpe bsam yas dkor mdzod nang bzhugs so/ /slob dpon bo dhi sa twa dang lo tsA ba 'bro ska ba dpal brtsegs kyis rig sngags phyi ma rnams bsgyur te/ de la yang kri ya'i chos bya ba spyi'i rgyud drug la/ rig sngags thams cad kyi khog dbub pa kri ya dpung bzangs kyi rgyud/ rigs sngags thams cad kyi dbang bskur ba phyag na rdo rje dbang gi rgyud/ rigs sngags thams cad kyi gsang ba rig pa mchog gi rgyud/ rig sngags thams cad kyi 'dus pa siddhi ka ra'i rgyud/ rig sngags thams cad kyi dgongs pa bsam gtan phyi ma'i rgyud dang drug go /bya ba bye brag gi rgyud ni/ spyan ras gzigs kyi skor khang /pad ma rtse mo sngags kyi rgyud/ pad ma cod pan gyi rgyud/ cho ga sngags kyi rgyud/ yid bzhin nor bu'i rgyud/ a mo gha pa sha don yod zhags pa'i rgyud/ za ma tog che chung la sogs pa'o/ /'jam dpal gyi skor la/ 'jam dpal ye shes sems dpa' dri ma med pa'i rgyud/ 'jam dpal rnon po sgrib pa med pa'i rgyud/ 'jam dpal mtshan yang dag par brjod pa bstod pa glu blangs kyi rgyud la sogs pa'o/ /phyag na rdo rje'i skor la/ phyag na rdo rjer dbar bskur ba'i rgyud/ rdo rje sa 'og gi rgyud/ rdo rje be con gyi rgyud/ rdo rje bde khros kyi rgyud/ rdo rje rnon po'i rgyud la sogs pa'o/ /gzungs gra lnga la sogs pa brgya drug cu'o/ /u pa ya'i rgyud bzhi la/ rnam par snang mdzad mngon par byang chub pa'i rgyud/ me dpung 'bar ba'i rgyud/ lag na rdo rje dbang bskur ba'i rgyud do/ /rnam par mi rtog pa'i rgyud do/ /yo ga'i rgyud chen po la bam po sum brgya yod pa ma 'gyur/ bsgyur/ rgyud sde chen po bzhi la/ mu la tantra rtsa ba'i rgyud/ ta tha sam tra ha dang pa sha ga ra rdo rje