rtsi thigs pa la sogs pa la brten nas bdud rtsi yon tan gyi sgrub pa/ dam pa rigs brgya'i dkyil 'khor du sman khrol bu'i sgrub pa/ ta kri ta brgyad kyi dkyil 'khor du sman btags gtsags la brten nas sgrub pa/ de nyied rigs lnga'i dkyil 'khor du sman phye ma la brten nas sgrub pa/ gsang chen rigs gcig gi dkyil 'khor du sman gong bu la brten nas sgrub pa/ mkha' dbyings dag pa'i dkyil 'khor bdun brtsegs kyi lha ngo sprad/ bkra shis dag pa'i rdzas tshe sgrub pa/ mkha' dbyings dag pa yum gyi mkha' la tshe sgrub pa/ gsang ba dag pa byang chub kyi sems dpa' la tshe sgrub pa dang gsum gyi dkyil 'khor du tshe bsgrubs nas 'chi med tshe'i dbang bskur/ yi nas dag pa'i chos nyid kyi dbyings su byang chub sems sgrub pa/ mkha' dag pa sbyor ba chang byang sems dpa' sgrub pa/ snying rje dag pa sgrol ba byang chub sems sgrub pa/ gsang sngags spyod par dbang bskur nas de rnams lag len du bshad/ dpal yang dgi skos byang rdzangs nas da lo gcig sgrubs la grub rtags re thon par gyis shig gsungs nas/ bod kyi ban de drug po gros byas pas/ rlangs dpal gyi seng ge na re/ rgya gar gyi slob dpon gser ni thob/ chos la phrag dog byas nas bod du 'phel gyis dogs nyen yod pas/ 'o cag srog la babs nen che zer nas mi lnga bod du 'gro bar chas pa la nam mkha'i snying po ni ma ngan yang bu la dug mi blud gsungs/ nga grub rtags shig thon nas 'ong gsungs nas zhugs/ slob dpon gyi gsung nas sgrub pa mi byed par 'gro na bar chad yong nyen yod pas/ seng ldeng gi phur pa 'di byin gyis brlabs yod pas 'di khyer gsungs nas rlangs dpal gyi seng ge la bskur ro/ /'di khyed rnams nyal khar sngas su thob cig bar chad 'ong nyen yod do gsungs so/ /khong rnams la dngos grub gnang nas 'ong ba dang / bal yul gyi mtsho 'gram zhig tu nyal ba'i tshe rlangs dpal gyi seng ge nyal ba'i sngas su btab pa'i seng ldeng gi phur pa de khong gnyid du song ba'i dbu sngas nas grub gu u peg shas bton nas kho rang gi sngas su btab po/ /sngar slob dpon gyi bka' la yid ma ches pas dam tshig nyams nas mtsho de'i nang nas klu nag po dam 'dzin zhes bya ba yod pas sbrul nag po zig byung / rlangs dpal gyi seng ge'i lus la 'khril nas rtse chung bcad de der gum mo/ /de nas dge slong bzhi pos rje'i spyan sngar phyin nas chos phul te mi gnyis po gcig rgya gar du bsdad/ der rgyal po thugs ches pa la blon po gdug pa can rnams kyis chos la phrag dog dang bar chod byas te/ khyed mi drug btang ba la gnyis med par byas/ khyed rang rnams kyang spyugs dgos zer nas 'bre rgyal ba'i blo gros byang tho yor nag por spyugs/ gru gu u peg sha zhang zhung yul du spyugs/ ru yong sing ha ra dza mdo khams smad du spyugs/ ru gyong birya ta dza kong por spyugs/ de nas snubs nam mkha'i snying po la slob dpon hUM ka ras/ yang dag sgrub pa rtsa rgyud lta bu la 'brel chen sgron me lta bu mdzad nas bshad/ yang dag lus kyi khog pa dang 'dra ba la de'i snying dang 'dra ba'i me gcig ma gnang nas/ lo gcig gser gyi brag bya skyibs can du bsgrubs pas dpal chen po'i zhal mthong dngos grub thob nas rtags kyang bris sku bzhad pa dang / bdud rtsi mu tig dri ma med pa ltar