gyur pa dang / rakSha khol ba dang / gtor ma 'dod yon gyi lha mos dngos su 'bul ba dang / tshe 'phar ba dang / bsnyen phur 'tsheg pa dang / 'phar ba la sogs pa dang / rdzogs rim ma byas par phyi nas mar byon pas khro bo'i gar dgu dang / dpal gyi chas brgyad dang ldan pa/ gtor ma yid bzhin gyi nor bu mchod sdong 'dod pa'i yon tan gyi lha mo drug gis dngos su mchod pa 'bul ba lha la lha thim gyi tshul du byung ba dang / der bod kyi rgyal pos ngas zhabs 'og nas rde'u bton nas dbu'i mchod gnas su byas te/ chos zhur btang ba tshur mo yong na/ kho'i rus pa snubs rgyud brlag par bya'o/ /gsungs pas der snubs nam mkha'i snying pos rgya gar nas bod du rdzu 'phrul gyis byon nas mnga' bdag rgyal po dang mjal te/ rje la zhus pa/ khyed bzhed pa'i chos dpal yang dag sgrub pa zhes bya ba/ rgyu sems can la 'bras bu sangs rgyas phyag rgya chen po mchog gi dngos grub thob pa 'di lta bu mchis so gsungs nas/ yang dag grub pa gcig bu nyid/ /sangs rgyas bde chen kun 'dus pa/ /rnal 'byor zab mo sku gsum rdzogs/ /mkha' 'gro sgyu ma bde mchog bde/ /zhes gsungs nas kho rang gi khog pa dngul dkar gyi gri gus kha phye nas khog pa nas zhi ba'i lha tshogs sangs rgyas bzhi bcu rtsa gnyis bkra lam mer bstan pa dang / rgyal po tshig dang don dang lha gsum kar yid ches nas nges shes skyes te phyag dbu thod bud bud du btsal lo/ /de nas rgyal pos mchod gnas su bzung nas dpal yang dag gi chos bshad pa dang / blon po dang jo mo rnams kyis phrag dog byas te/ rgyal pos 'bangs rnams la slob dpon bya bar mi rigs pas 'di rgyal khrims la gnod pas gdug pa gcig tu spyug go zer nas/ lho brag mkhar chur spyugs so/ /lcags phur can du sgrub pa mdzad pas grub rtags mar me rang 'bar ba dang / brag la sku rgyab gtad pas rjes dod pa dang / phur pa brag la thebs pa dang / nyi ma'i zer la chibs nas gshegs pa dang / nyi zer la chos gos 'gel ba dang / dpal chen po longs spyod rdzogs pa'i skur zhal mthong ste grub pa brnyes so/ /de nas dus lan gcig gi tshe rgyal po snyun gyis thebs te rim gro byas kyang phan pa ma byung bas/ mo dang rtsis byas kyang ma phan nas slob dpon pad ma 'byung gnas la zhus pas/ 'di la gzhan cis kyang mi phan te/ snubs nam mkha'i snying po dang rgyal po dpon slob tu byas nas phyis spyugs pas dam tshig nyams pas lan pas/ khong spyan drangs te dam tshig nyams pa bskangs na phan par 'ong gsungs pas/ lho brag mkhar chu nas spyan 'dren du btang bas khyed rang gnyis sngon la song zhig nga nangs par zhag gsum dro bzi na yong bas khang pa dgu rim gyi steng du rgyal po'i gdan shoms shig gsungs te/ der zhag gsum dro bzhi na slob dpon nam mkha'i snying pos nyi ma shar ba dang rgyal po'i spyan sngar byon no/ /'khor nang mis slob dpon la rgyal ba'i sku'i rim gro'i yas thags ci gsog 'tshal byas pas/ gzhan ci yang mi 'tshal te rgyal po rang gis ci gsol ba'i zas rnams tshang bar khyer shog cig gsungs nas/ zhal skyems dang bcas pa nga la drongs shig gsungs te/ de ltar byas te drangs pas/ de zas tshogs mdzad de gsol bas slob dpon gyis gsol ba zin pa tsam la/ 'bangs nang pa zhig gis rgyal po zhal mdangs