che ba snyam byed nas snyun dris pas/ rgyal po'i zhal nas slob dpon gyis nga'i kha zas drangs pa gsol ba zin pa tsam la lha mo dkar mo gcig gis 'ongs te thal lcag na mo gcig brgyab pas en gcig bde bar song gsungs so/ /de nas yang slob dpon la zhal zas sna tshang ba gnyis pa drangs pas gsol ba zin pa tsam la rgyal po zhal mdangs da ci bas kyang cher song ba snyam byas nas/ yang 'bangs nang pa zhig gis rgyal po la snyun dris pas/ slob dpon gyis zhal zas gnyis drangs pa gsol zin pa tsam la nga la lha mo dmar mo zhig 'ongs nas thal lcag na mo zhig brgyab bas/ da ci bas kyang cung zhig bde bar song gsungs so/ /yang slob dpon gyi zhal nas rgyal pos ci gsol ba ma tshang ba med pa drongs shig gsungs nas drangs bas/ 'bangs nang 'khor ba zhig gis rgyal po la snyun dris pas/ rgyal po'i gsung gis slaub dpon gyis nga'i zas rnams gsol zin pa tsam la lha mo mthing kha zhig 'ongs nas thal lcag da ci bas kyang na ba zhig brgyab song bas da ni nga'i lus la nad gang yang med par song gsungs pas/ slob dpon gyi zhal nas da rung rgyal po snyung ba zhig kyang yod/ zas sna gcig tsam yang ma tshang ba med pa drongs shig gsungs pas/ gzhan ni ma tshang ba med de dro bar gyi dus na 'dren pa'i mdzo zho la ka ra btab pa de ma tshang / rgyal po'i spyan gcig kyang snyung bas der de drangs pas gsol ba tsam la rgyal po yang gdangs so/ /der slob dpon la rgyal pos dam tshig nyams pa yang bskangs so/ /de nas blon po kun na re/ rgyal po dang nam mkha'i snying po 'phrad 'dod pa yin no zer nas/ nyi ma phyed yol la khad tsam na ban des rje'i dbu skra bsil zhig nyi ma phyed ma yol ba la dbu skra bsil ma zin na khyod rang la skyon 'bebs so zer bas/ der nam mkha'i snying pos de ltar bya'o gsungs nas nyi grib kyi mtshams su seng ldeng gi phur pa zhig btab nas/ phyag sdigs mdzub nyi ma'i dkyil 'khor la gtad de/ nyi ma phyed ka gcig tsam ma btang ba la/ nyi ma stod la mnan par gyur pas rgyal po'i dbu skra bsil ba zin nas/ slob dpon zhal nas da phyugs lug rnams tshud cig gsungs pa dang / nyi grib mtshams kyi phur pa btab pa bton pas/ nyi ma dus dang tshigs la dbang bas yud kyis song bas/ ban de rdzu 'phrul can 'dis rang cag rnams la mthu byed du 'ongs pas gsod zer du byung nas/ rgyal po dang sku 'chag tu yong ba bsgugs pas/ der nam mkha'i snying pos thog phabs te/ hUM hUM hUM zhes hUM sgra drag po brjod nas thog sdigs mdzub kyi rtse la bskor bas/ blon po nag po rnams la la rengs/ la la brgyal/ la la bubs pa dang / slob dpon gyi zhal nas rje lha gcig sku ma nyes sam gsungs pas/ 'jigs pa che gnam lcags kyi thog sgra bas kyang ban de'i hUM sgra de rang 'jigs so gsungs/ blon po nag po kun na re/ re 'jigs re 'jigs/ mkhar che re che zhes zer ro/ /de nas snubs nam mkha'i snying po mkhar chu'i brag la gshegs so/ /de nas rgyal po'i mnal lam du dpal rdo rje sems dpa' nam mkha' la byon no/ /rgyu 'bras la bzla ba rtogs grol dus gcig la yong ba'i chos bka' rdzogs pa chen po bya ba yod pas/ bod kyi dge slong mi gnyis tshol du thongs shig bya ba'i lung bstan byung nas/ der rgyal pos spa gor he 'dod kyi bu dang