sgron me'i rgyud bshad/ sems kyi don dgongs pa thams cad rang las byung ba bstan pa'i phyir rin chen 'phreng ba'i rgyud bshad/ sems kyi don khams gsum gyi ngang du gsal bar bstan pa'i phyir nges pa snying po'i rgyud bshad/ sems kyi don mi 'gyur bar bstan pa'i phyir rdo rje gsang ba'i rgyud bshad/ sems kyi don sangs rgyas da lta nas yin pa'i phyir ye nas sangs rgyas kyi rgyud bshad do/ /de nas lung chen po bco brgyad bshad de/ byang chub sems las 'byung ba'i phyir rig pa'i khu byug bshad/ rtsol sgrub thams cad zil gyis gnon pa'i phyir rtsal chen bshad/ sems kyi don chos kyi dbyings su rdzogs pa khyung chen bshad/ sgom pa'i don dbyings su rdzogs pa byang sems sgom pa rdo la gser zhun bshad/ sgom pa'i don mthar phyin pa mi nub rgyal mtshan nam mkha' che bshad/ sems stong pa nyid du la bzla ba'i phyir gnad du gyur pa bshad/ sems nyid kyi rang bzhin chos kyi skur bstan pa'i phyir yang tig bshad/ sems skye shi med par srid gsum 'khor bar skor ba'i phyir srog gi 'khor lo bshad/ sems nyid la 'dod pa'i yon tan thams cad 'byung bar bstan pa'i phyir yid bzhin nor bu bshad/ sems kyi ngang du rnam par rtog pa thams cad chos nyid mnyam pa'i ngang du bstan pa'i phyir kun 'dus bshad/ sems la theg pa thams cad rdzogs shing 'byung ba kun nas rgyas par bstan pa'i phyir nam mkha' che rgyal po bshad/ sems nyid kun tu bzang po'i ngang la bzhag pa kun gyi mchog gi gtso por bstan pa'i phyir rtse mo byung rgyal bshad/ sems kyi rang bzhin don dam pa'i ngang la spros pa bral zhing bde gsal la gnas pa'i phyir bde 'byams bshad/ sems nyon mongs pa'i skyon gyis ma gos shing yon tan gyi 'bras bus spud pa'i phyir bde ba phra bkod bshad/ sems kyi klong du 'khor 'das kun 'byung ba bstan pa'i phyir rtogs chen bshad/ sems kyi theg pa thams cad kyi spyi 'ching ba'i phyir chings bshad do/ /de nas slob dpon shrI ri sing ha'i zhal nas chos rdzogs par bshad pa yin pas/ rgya gar ba chos la phrag dog che bas lam du srog gi bar chad yong nyen yod pas rkang mgyogs lo gcig sgrubs shig gsungs nas rkang mgyogs kyi gdams ngag gnang ngo / /slob dpon gyis spa gor bai ro tsa nar ming btags so/ /rtsangs rkang mgyogs mi sgrub par rje la ngo so 'dod nas sngon la song bas gcan 'phrang pas bsad do/ /bai ros lo gcig bsgrubs te grub pa dang / gcan 'phrang gi dpon ku ha dha ru bya ba dang grogs po byas rngan pa gser phye byin nas mna' tho byas/ chos thams cad rgya dpe ta la'i lo ma la bris nas khur te rkang mgyogs rogs pos gcan 'phrang dang po las bsgral te log go/ /rgya gar gyi paNDi ta thams cad kyi rmi lam na/ rgya gar gyi nyi ma bod kyi ban de zhigata gis khur te nub pa rmis so/ /de nas rkang mgyogs bkram pa dang gcan 'phrang gi dpon pos bod kyi ban de 'dra ba ma song / mtha'i mon bu spyi lham pa zhig song ste des ni cang ma khyer bar song / de yin na deng sang bod du slebs yod byas pas der rkang mgyogs pa rnams log go/ /de nas spa gor bai ro tsa nas rje'i thad du slebs par 'ongs nas/ rje lha sras bzhed pa'i chos tsho ni lon na'ang / rgya gar chos la phrag dog che la bod kyi blon po chos la gnag rgyal po'i