snyan khung srab pas snyan phra 'byung srid pas de la mi gsan par zhu'o zhes springs so/ /bai ros rkang mgyogs bsgrubs pas zhag bdun gyis bod du slebs pa dang / phyi na tshur rgya gar gyis bang chen pa btang nas khyed bod kyi ban de des chos ma rnyed par mu stegs kyi ngan sngags mang po khyer song bas/ des bod khams phung bar byed pas sod cig ces de skad bsgrags so/ /de nas bod kyi blon po kun gyis de gsod dgos/ nged bod rnams phung bar byed pas yin zer bas/ rgyal pos rgya gar chos la phrag dog byad pa yin te de ltar ma yin gsungs kyang ma phan nas/ der mtha'i sprang po gcig bzung ste bai ro tsa na'i gos de la bskon nas zangs kha sbyar du bcug gzer gyis bsdams nas chu la bskyur btang / bai ro tsa na pho brang mdzod du ka ba khong stong brus pa gcig tu bzhag nas/ nam phyed tsa na rgyal po chos gsan pa la/ sems sde bco brgyad kyi stod kyi chos lnga tshar ba dang 'bangs nang pa gcig dang jo mo tshe spongs bza' me tog sgron gyis tshor nas phyir 'bugs pa dang / blon po phyi nang thams cad kyi tshor nas rje la thugs nor ba chen po mnga' / yab mes kyi dkor mdzod kyi gser thams cad 'jim pa la byugs nas nga lha khang mdzad gsungs/ nga chos byed gsungs nas mtha'i mi bzung nas chu la bskyur/ bod phung bar byed pa'i rgya gar gyi ngan sngags mkhan phugs su bcug nas des ci zer la nyan/ de la chad pa gcod pas sgor thon cig de la chad pa mi gcod na rgyal khrims gshig zer bas de la rgyal po thugs ma mnyes nas 'o cag ji ltar bya bai ro tsa na la gsungs pas/ rje lags bdag sngon yang rgyal po tsha ba'i rong du rgyal mo legs bzher dpal mo bya ba'i bur skyes/ da rung las kyi 'phro dang gdul bya skal ldan yod pas der spyugs shig rje nyid rang da dung rgya gar gyi paNDi ta rnams kyi nang nas mkhas pa bi ma la ti tra bya ba bzhugs pas de spyan drongs la chos gra tshugs/ de'i dus su nga'i chos 'di bden pa ma nor ba gcig yin nam ma yin gtug tu gtong gis de btang ba dang bod kyis yid ches nas rje nyid mjal te mche gsungs te/ rje la 'bangs med rgyal kha blon gyis bsgyur nas spa gor bai ro tsa na rgyal mo tsha ba rong du spyugs so/ /der bod kyi rtogs chen pa byung zer nas shig gi dong du bskyur/ de la gnod pa cung zad kyang med do/ /bai ro tsa na bod kyi rgyal blon gyis rgya gar yul du chos 'tshol du btang bas rgya gar gyis chos la phrag dog byas nas ngan sngags yod byas nas spyugs pa yin/ nga 'di'i skye ba sngon ma la rgyal mo legs bzher dpal mo'i bu dge slong parNa bya ba de nga yin no/ /sngon gyi las 'phro yod pas 'dir yong dgos pa byung gsungs pas/ rgyal mo klu mo la sogs pas tshe snga phyi dran pas dge parNar 'dug zer nas bzhags pa byas/ zhabs spyi bor blangs/ khong sbal dong dang shig dong bskyur pas sdig sgrig kyang sbyangs so/ /de nas rgyal mo klu mo dang rgyal bu g.yu sgra snying po la sogs pa la bka' rdzogs pa chen po tshar bar bshad/ bai ro tsa nas bka' rdzogs pa chen po slob dpon shrI ri sing ha'i drung du zhus nas/ mthar rgyal mo tsha ba'i rong du spyugs pa dang / de yang skal ldan rgyal po g.yu sgra snying po la bka' rdzogs pa chen po bshad pa'i skabs so/ /de nas