rgyal po'i thugs dgongs la/ nga yis bod kyi rgyal khams 'di chos la 'god par 'dod pas/ bod kyi shes rab can gang btang yang chos ngo mtshar can rnyed nas byung ba la/ blon po chos la gnag pas phrag dog byas shing chos la spyod dbang ma byung / chos 'tshol du btang ba thams cad kyang blon pos rgyal khrims la snyad cing spyugs pas/ da ni rgya gar nas paNDi ta mkhas pa spyan drangs/ bod kyi shes rab dang dad pa can thams cad bka' 'og tu bsdus te rgyal pos bka' bstsal pa/ nga chos skyong ba'i rgyal po yin pas dus de ring nas chos khrims 'cha' ba yin no/ /rab tu sus byung nus/ lo tsA ba sus slob nus/ sgrub pa sus byed nus/ zhabs 'og nas rde'u bton nas de dbu'i mchod gnas byed do zhes bka' khrims bcas so/ /de nas slob dpon pad ma 'byung gnas 'das ma 'ongs da lta gsum gyi mngon par shes pa mnga' ba des/ gung gral nas rgyal blon rnams la/ bka' bsgo gsungs pa/ rje gcig chos kyi rgyal po lags/ /chos khrims bcas pa shin tu legs/ /bdag 'dra pad ma 'byung gnas kyis/ /dug gsum sku gsum thugs su shes/ /dug lnga ye shes lnga ru shes/ /rnam rtog chos kyi dbyings su go/ /nyon mongs rgyud la rtag tu 'chang / /de rtogs yon tan mngon shes kyis/ /phyi ma ci 'byung da lta shes/ /snga ma ci yin 'di ltar shes/ /bdag 'dra pad ma 'byung gnas dang / /mkhan po bo dhi sa twa dang / /chos rgyal khri srong lde btsan gsum/ /skye ba 'di yi snga ma la/ /ma gu ta yi yul du ni/ /mon phrug spun gsum dag tu skyes/ /ma ni dbul mo bya rdzi mo/ /ma'i dge rtsar mchod rten bzhengs/ /mchod rten bya rung kha shor kha/ /mchod rten brtsigs shing smon lam btab/ /'khyags pa chags yul mata' 'khob tu/ /chos kyi bstan pa 'dzugs par shog /de skad smon lam btab pa la/ /skye ba 'di'i gong rol du/ /srin gyi bu dang drang srong bu/ /bram ze'i bu dang gsum du byung / /snga ma'i mchod rten de la ni/ /mchod pa chen po byas nas ni/ /smon lam so sor 'di skad btab/ /drang srong bu ni rtsad po yin/ /'khyags pa chags yul mtha' 'khob kyi/ /chos skyong rgyal por skyes nas ni/ /sangs rgyas bstan pa skyong bar shog /yang de'i las dang smon lam gyis/ /chos skyong rgyal por skyes pa yin/ /chos skyong rgyal po bya bar rigs/ /bram ze'i bu ni bo dhi sa twa yin/ /chos skyong rgyal por khyod skyes nas/ /rgyal po chos skyong bla mchod bgyi/ /yang de'i las dang smon lam gyis/ /za hor skyes kyang 'di ru 'dzoms/ /mkhan slob rab byung bya bar rigs/ /bdag ni srin bu phra mo'i bu/ /da lta pad ma 'byung gnas yin/ /chos skyong rgyal por khyod skyes nas/ /gdug pa 'dul zhing bstan pa skyong bar shog /yang de las dang smon lam gyis/ /o rgyan skyes kyang 'di ru 'dzoms/ /sangs rgyas bstan pa nga rang srung / /bgegs dang log 'dren nga yis 'dul/ /rgya gar yul gyi ma ga dha'i/ /drang srong dpal ldan zhes bya ba/ /ma ni drang srong sha ta yin/ /a pa a ru tshe 'phos pa/ /bod kyi mnga' bdag rgyal por skyes/ /mi la dgos dgu gces pa dang / /sde snod gsum gyi chos rnams kyang / /rgyal po nyid kyi ring la byung / /rgya gar yul gyi sha ka'/ /smad tshong pra ma ni la ta'i/ /phru gur skyes pa tshe 'phos pa/ /dharma su tra tshe 'phos pa/ /khri bzang