yab lhag blon po yin/ /dharma shi la tshe 'phos pa/ /mdo bzher sbrail chung blon po yin/ /dharma pradznyA tshe 'phos pa/ /khri 'bring lha 'od blon po yin/ /dharma ka ya tshe 'phos pa/ /shud pu dpal gyi seng ge yin/ /dharma pu tra tshe 'phos pa/ /rgyal po nang gi blon po yin/ /dharma mi tra tshe 'phos pa/ /ta ra klu gong blon po yin/ /blon po drug pa de rnams kyis/ /'khyags pa chags yul mtha' 'khob kyi/ /bod kyi yul du byung ba yin/ /rgyal po nyid kyi blon por gyur/ /rgyal po nyid kyi ring las byung / /blon po chos la gnag pa ni/ /blon po drug po 'di rnams kyis/ /skye ba yang snga'i gong rol du/ /dud 'gro'i lus su so sor blangs/ /skye ba yang sngar ci sbyangs pa/ /skye ba 'di la mtshan rtags/ /sna rtser sme ba nag po yod/ /dbus 'gyur tshal de'i yul dag tu/ /glang rmon ta ra klu gong de/ /sngar yang glang rmon byas pa'i rtags/ /gnya' ba'i gong na sme ba yod/ /yul phyogs de'i khyi mo ni/ /gnas gzhi bsrungs pala'i yan lag gi/ /sngar yang gnas gzhi bsrung pala'i rtags/ /dpral ba'i dbyings na sme ba yod/ /yul phyogs de'i bya ka thub/ /mdo bzher sprel chung blon po yin/ /sngar yang bya ru skyes pa'i rtags/ /lte ba'i khung na bya spu yod/ /yul phyogs de'i lce spyang ni/ /rgya ta ngang mi bya ba yin/ /sngar yang lce spyang byas pa'i rtags/ /ya thod lce spyang 'dra ba yod/ /dud 'gro'i tshe 'phos smad 'tshong ma'i/ /bu ru skyes nas bod yul du/ /'dus te tshogs par smon lam btab/ /da lta rgyal po'i blon por skyes/ /blon po rnams kyang chos srid skyong / /phyi ma mtho ris chos dang phrad/ /chos la mi mos ngan 'gror 'gro/ /pur na pur mo bram ze'i bu/ /bo dhi sa twa bya bar skyes/ /dge slong mang po grangs med kyang / /mkhan po byas nas rab tu byung / /sgra bsgyur tshal gyi drang srong ni/ /dge slong sing ha tshe 'phos pa/ /dge slong dpal dbyangs bya bar skyes/ /na ra dza ra yul dbus kyi/ /smad 'tshong snying po brtul zhugs dang / /drang srong ku ma ra dza'i bu/ /dge slong rgyal bu snying po de/ /tshul khrims bsrungs te tshe 'phos pa/ /rgyal ba mchog dbyangs zhes byar skyes/ /rgya gar yul gyi mu tra na/ /bram ze ghun si dhi dang / /rgyal po legs bzher dpal mo'i bu/ /dge slong dze ta tshe 'phos pa/ /nam mkha'i snying po bya bar skyes/ /rdo rje gdan gyi smad 'tshong ma/ /ku ma ha snyoms ru ma dang / /drang srong ku ma du rtsi'i bu/ /dge slong 'jam dpal tshe 'phos pa/ /klu'i rgyal mtshan bya ba skyes/ /ga'u cig ta zher la'i bu/ /smad 'tshong bu mo ni ra'i bu/ /rgya gar yul nas tshe 'phos pa/ /ka ba dpal brtsegs bya bar skyes/ /lcags kyi sdong po'i glang chen gyi/ /klu mo nyid 'gyur tshe 'phos pa/ /dran pa nam mkha'i bya bar skyes/ /drang srong bu mo ser skya lnga / /rgya gar yul nas tshe 'phos pa/ /dge slong mi lnga dag tu skyes/ /dge ldan bde skyid rgyal bu gnyis/ /rgya gar yul nas tshe 'phos pa/ /ye shes dbyangs dang bran ka gnyis/ /legs drug dge slong dar skyes deng / /tsha ba rong gi rgyal mo'i bu/ /dge slong pur na tshe 'phos pa/ /bai ro tsa na bya bar skyes/ /bdag 'dra pad ma 'byung gnas kyis/ /snga ma ci yin de ltar shes/ /rgyal po nyid kyi sku ring la/ /chos