khrims shin tu dar ba 'ong / /zhes gsungs pas/ /bod ru bzhi rgyal po'i mnga' 'og tu bsdus pa rnams rjes yi rang ngo / /rgyal pos kyang chos khrims dar gyi mdun pa 'dra ba mdzad do/ /chos khrims bsdams nas rab tu byung ba rnams gyi bting ste dbu'i mchod gnas su bzhag go/ /rab tu byung ba'i sde bcugs/ chos gang la mos pa ci dgar spyod pa bkas gnang / mi skya pho mo la yang yig rtsis gang slob kyang slob palar gnang / bde bar gshegs pa'i bka' gsung sgrog pa dang / bka' yi ger 'dri ba po rnams la mchod gnas su ming btags nas gnang ba byin no/ /shes rab su che ba dang kha lce bde ba rgya gar yul du chos dang / sgra bsgyur slob tu btang ngo / /'phral skad chos skad thams cad slob dpon bo dhi sa twa la bslabs/ rab tu byung ba'i mkhan slob gnyis ka slob dpon bo dhi sa twas mdzad/ rgyal pos chos khrims bcas pa'i dus lags so/ /de nas yang mnga' bdag rgyal po'i thugs la/ dam pa'i chos nyi ma shar ba lta bu byed pa la rgya gar yul nas paNDi ta mkhas pa slob dpon bi ma la spyang drang dgongs nas/ slob dpon de yang jo bo thugs rje chen po'i sprul pa yin te/ rgyal po dharma a sho ka bya ba'i sras mo lha lcam dharma bodhi bya ba shin tu mdzes pa lha'i bu mo 'dra ba zhig yod pa la/ de gnyid log pa'i rma lam na mi dkar palo shin tu mdzes pa 'od zer 'phro ba zhig byung nas/ bdud rtsi bum pa gang spyi bo tshangs pa'i bu ga na mar song nas lus bde bas gang ba zhig rmis/ lus la ma bde ba med par bu tsha gcig btsas te/ khyo med pa'i bu ngo tsha nas bye ma'i gseb tu bor bas mig khra hrig ge 'dug ste yang blangs nas gsos pas/ zhag dang zla ba gzhan bas skyed che ba zhig byung nas lo lnga lon nas rig pa'i gnas thams cad la sbyangs pas lhag par chos la mkhas par gyur to/ /ming yang bye ma la mig khrar btags so/ /de nas rgyal po khri srong lde btsan gyis lo tsA ba ka ba dpal brtsegs dang / cog ro klu'i rgyal mtshan dang / rma rin chen mchog dang gsum la/ gser phye bre zhi gcig brdzangs nas rgya gar gyi 'bri ka ma la shi la'i gtsug lag khang nang bzhugs pa'i chos skyong ba'i rgyal po dharma tsakra la gser 'di phul la/ nga'i gser phul ba'i skyes lan du phyi nang gi chos mtha' dag la mkhas pa'i paNDi ta gcig zhu gyis la/ lo tsA ba khyed gsum gyis spyan drongs shog gsungs nas btang ngo / /de nas lo tsA ba gsum gyis 'bri ka ma la shi la'i gtsug lag khang du rgyal po la gser phul nas zhus pa ni/ nged bod kyi chos skyong ba'i rgyal po khri srong lde btsan gyis btang ba lags/ gser phul ba'i skyes lan du phyi nang gi chos mtha' dag la mkhas pa'i paNDi ta gcig brdzang bar zhu yin gda' bas gnang bar zhu zhes lo tsA ba gsum gyis zhus pas/ rgyal po'i zhal nas/ 'o na paNDi ta lnga brgya nangs par tsha ba la/ 'dir tshogs pa'i gral du zhu dgos gsungs nas/ rgyal pos kyang gser gyi maNDal re phul nas zhus pa/ bod kyi chos skyong ba'i rgyal po khri srong lde btsan gyis nga la skyes su gser bskur nas/ de'i lan du paNDi ta mkhas pa gcig zhu bya ba byung nas lo tsA ba 'di gsum spyan 'dren du btang ba yin pas/ khyed rnams kyi nang nas phyi nang gi chos la mkhas pa gcig gshegs 'tshal zhes gsungs pas/