paNDi ta lnga brgya'i nang na mkhas pa chen por gyur pa/ slob dpon chen bi ma la mi tra gung gral la bzhugs pas/ g.yas kyi paNDi ta phyed dang sum brgya/ g.yon gyi paNDi ta phyed dang sum brgya pos/ dbus kyi slob dpon bi ma la mi tra la spyan re re bltas pas/ don gyis song zhig par bskul nas/ slob dpon bi ma la mi tra bzhengs te/ bo dhi sa twa dha thim zhes lan gsungs pas/ lo tsA ba la gsum po la go ba mi 'dra ba gsum skyes so/ /'bro ka ba dpal brtsegs kyi go ba la/ gzhu mo dag la brten pa'i mda'/ /skyes bus mtheb mdzub rtsol phod na/ /mdas kyang 'ben ngor phyin par nus/ /zhes gsungs nas bzhud par go/ /rma rin chen mchog gi go ba la/ nyag thag dag la brten pa'i gru/ /skyes bu'i skya bas rtsol phod na/ /grus kyang chu la sgrol bar 'gyur/ /zhes gsungs nas gshegs par go /lcog ro klu'i rgyal mtshan gyi go ba la/ yon tan dag dang ldan pa'i mi/ /yang yul min pa'i sa phyogs su/ /lus kyi bum pa gar 'dren pa/ /sems chu bo gzhan du 'bo/ /zhes gsungs nas gshegs par go /de nas rgyal po dang paNDi ta rnams kyis bka' phab nas/ slob dpon bi ma la mi tra lo tsA ba gsum gyis spyan drangs nas ka ba li sor bzi pa gcig la rgya yig bdun bris pa zhig bsnams nas byon no/ /der bsam yas su phyag phebs nas rgyal po rje 'bangs rnams kyis bsu ba byas/ bsam yas su 'khor sa chen mor spyan drangs pa dang rgyal po la yang phyag ma mdzad/ lha la yang phyag ma mdzad pas/ blon po rnams kyis nged kyis lha khang 'dir sngar yang paNDi ta mang po spyan drangs/ da yang spyan 'dren pas khyed kyis rgyal po la yang phyag mi 'tshal/ lha la yang phyag mi 'tshal pa ji tsug lags byas pas/ khyed rgyal blon rnams kyis phyag gi don mi shes sam gsungs pas/ rgyal pos phyag gi don mi shes gsungs pas/ ngas lha dang gnyis su med pa'i phyag gcig btsal zin/ phyag lhas mi theg pas/ lha la yang phyag mi 'tshal/ rgyal po la yang phyag mi 'tshal lo zhes gsungs pas/ rgyal po'i thugs la 'o na nang pa sangs rgyas pa rang yin nam/ phyi pa mu stegs shig rang yin nam snyam nas/ slob dpon gyis rgyal po la thugs yid ma ches sam gsungs/ bi ma las chos gos gsol nas rdzu 'phrul gyis phyag mdzad pa/ rnam par snang mdzad gzugs sku la/ /bi ma la ye shes lha de'i phyag /kun rdzob ngo bos phyag 'bul lo/ /zhes phyag 'tshal ba'i tshul byas pas/ rnam par snang mdzad dbu'i gtsug nas zhabs gdan khri'i bar gas so/ /rgyal po'i thugs la/ mu stegs pa rang yin par 'dug snyam nas/ zhal ngo nag ting nger song ba dang / yang slob dpon gyis/ rgyal po yid ma ches sam ma dgyes sam gsungs pas/ ma dga' zhus so/ /yang slob dpon gyis/ rnam par snang mdzad ye shes lha'i lha/ /bi ma la mi tra ye shes lhas/ /ye shes lnga ldan rtags kyi dbang bskur ro/ /zhes gsungs nas/ rnam par snang mdzad kyi spyi bor phyag bzhag pas/ sngon la dbu rtse rigs gsum 'od kyis khyab/ de nas bsam yas kyi lha khang 'od kyis khyab par gyur nas rab tu gnas pa yang mdzad do/ /de nas rgyal po la phyag bgyi 'o gsungs nas phyag gnang bas/ rgyal po la phyag bgyi 'o gsungs nas phyag gnang bas/ rgyal po'i gsung nas phyir dge slong gi dge 'dun yin/ nang gsang sngags kyi grub pa