brnyes pa'i rnal 'byor par 'dug phyag mi mdzad par zhu zhus pas/ bi ma la'i zhal nas/ bod chos skyong ba'i rgyal por 'dug pas ces kyang phyag 'tshal gsungs nas/ phyag bstabs pas/ rgyal po'i na bza' slob dpon gyi sku'i 'od zer gyis hrog hrog tshig pas/ rgyal pos bi ma la la phyag dbu thod bud bud 'tshal lo/ /de nas slob dpon bi ma la mi tra gdan seng ge'i khri la bzhugs/ gab rtse dgu rtseg gi gdan bting nas za 'og gi smug ber sku la gsol/ 'jig rten gyi zhal zas rnam pa mang po drangs/ gser phye bre gsum dngul gyi bum par blugs nas phul bas/ slob dpon gyis zhal gnag tshom mer bzhugs nas ci yang mi gsungs/ rgyal po'i thugs la lho bal 'dod pa can/ da dung ma tshim par 'dug snyam pa dang / rgyal po'i thu bar/ slob dpon gyis bye ma bre gsum blugs nas dar cig bzung tsa na rgyal po'i thu bas thub par bye ma gser du song 'dug rgyal po chen po/ nga la snang ba thams cad gser du yod/ rgyal po tshogs rdzogs par bya ba'i phyir du/ re zhig 'bul ba blang gis gsungs so/ /slob dpon bi ma la spyan drangs pa'i lo rgyus so/ /de nas rgyal po khri srong lde btsan gyis seng nga'i yul nas/ slob dpon dha na shi la bya ba'i mkhas pa chen po spyan drangs/ rgya nag po'i yul nas slob dpon ka ma la shI la spyan drangs/ za hor yul nas slob dpon bo dhi sa twa dang / kha che'i slob dpon bi ma la mi tra/ u rgyan gyi slob dpon pad ma 'byung gnas dang / slob dpon chen po rnam pa lnga / lo tsA ba ka ba dpal brtsegs/ cog ro klu'i rgyal mtshan/ sna nam gyi ban de ye shes sde/ rma rin chen mchog dznyA ku ma ra/ lo tsA ba mchan bu 'dan ma rtse mang / snubs nam mkha'i snying po/ a tsarya ye shes dbyangs/ mgo 'brom pus 'byin/ lo ki chung / de ltar lo paN mang po spyan drangs/ rgyal pos chos gsung bar zhu ba phul re/ slob dpon pad ma 'byung gnas ni/ sku mnga' spangs pas pad ma las sku 'khrungs pa'i phyir khams gsum dbang du sdud cing / dregs pa zil gyis gnon pa'i mthu mnga' ba yul gar byon yang yul de'i lha srin gyis srog snying phul/ khyad par du yang dpal bsam yas mi 'gyur lhun gyis grub pa'i sa gzhi btul bas gdan seng ge'i khri gsum brtsegs la bzhugs/ slob dpon bi ma la mi tra paNDi ta lnga brgya'i nang nas mkhas pa chen po yin pas bka' rgya mtsho sngags phyi nang / 'dul ba/ mdo sde/ mngon pa'i sde snod shes pas gdan seng ge'i khri nyis brtsegs la bzhugs so/ /paNDi ta gzhan rnams ni gdan seng ge'i khri re re la bzhugs so/ /lo tsA ba rnams ni khri gab rtse la bzhugs so/ /rgyal pos gser gyi maNDal re phul nas/ rgya nag gi nga / bal po'i go la/ bod 'bru chang / rgya gar gyi 'bras chang drangs/ phyag 'tshal skor ba byas nas zhus pa/ e ma ho/ bdag ni chos skyong rgyal por zhal bzhes pas/ rgya gar yul na bzhugs pa yi/ chos bka' dang bstan bcos rgyud lung gcig kyang ma lus par 'dir ni gsung du gsol/ dam pa'i chos kyi 'khor lo bskor du gsol/ dam pa'i chos kyi sgron me spar du gsol/ dam pa'i chos kyi char chen dbab tu gsol/ dam pa'i chos kyi rnga chen rdung du gsol/ dam pa'i chos kyi dung chen 'bud du gsol/ dam pa'i chos rgyal mtshan sgreng du gsol/ zhes zhus so/ /de nas lo paN rnams arya pa lo'i