mtsho gcig la sogs pa pho mdos/ mo mdos mang po bsgyur/ gzhan yang gshen rje gshed 'char ka nag po/ rgyal po rtse mdos/ mdos phran mang po dang bcas pa bsgyur ro/ /klung sgrub/ klu gter/ klu rta bzhugs pa dang / pho brang gso ba dang / gdon 'grol ba dang / byad 'grol ba la sogs pa cho ga mang po mdzad do/ /rta mgrin na ga klu 'dul/ drag po gsum sgril/ khro bo 'dul pa/ yang gsang khros pa/ sku lnga khros pa/ gnyen pokhyung gi sgrub thabs dang bcas pa bsgyur ro/ /srung ba'i cha lag brgya rtsa brgyad bsgyur cing mdzad do/ /de ltar rim gro byas pas rgyal po'i sku tshe lnga bcu rtsa drug las med pa la lo bcu gsum sku tshe bsrings so/ /slob dpon pad ma'i zhal nas/ spyir bsod nams kyang yang rab tu gyur pa la sku tshe yang rab tu gyur pa phyin tshad mi 'ong gsungs/ rgyal po'i sku'i rim gro'i lo rgyus chos 'byung ngo / /de nas rgyal pos rgya gar nas gdan drangs pa'i paNDi ta rnams la gser phye sil ma bre gsum phul/ na bza' za 'og gi smug ber la sogs pa mang po phul te gtang rag btang ngo / /lo tsA ba rnams la chos kyi rtsis dang bya dga' gnang ngo / /dbu'i chos gnas su bsten no/ /slob dpon bi ma la mi tra dang / rgya gar gyi paNDi ta rnams yul du gshegs pa gnang ste/ lo tsA ba dang bod 'bangs rnams kyis rgya gar yul du bskyal ste/ rgya gar nas chos mi sdom par/ rgya gar gyi chos skyong ba'i rgyal pos bka' bkrol nas bod la shin tu bka' drin che ba lags so/ /rgyal po khri srong lde btsan shin tu bka' drin che ba lags so/ /slob dpon pad ma/ mkhan po bo dhi sa twa/rgyal po khri srong lde btsan gsum/ skye ba yang snga la yang las 'brel gyis spun du gyur pa yin pas bzhud par ma gnang / slob dpon rnam gnyis kyis kyang bzhugs par zhal gyis bzhes te/ mkhan po bo dhi sa twa byang chub gling du dgongs pa la bzhugs so/ /slob dpon pad ma 'byung gnas mchims phu brag dge 'ur dgongs pa la bzhugs so/ /de nas mnga' bdag rgyal po'i thugs la/ da ni chos ma sgrub na mi phan par 'dug pas/ gsang sngags rdo rje theg pa'i chos zhu dgos snyam nas mchims phu na slob dpon pad ma 'byung gnas bzhugs pa la/ dar zab kyi khri brtsegs pa/ spyang dkar gyi slog pa dang / za 'og gi smug ber sku la gsol/ 'bras chad dwangs ma dngul skyogs bkang nas phyag tu drangs/ 'jig rten gyi spyan gzigs sna tshogs drangs nas zhu ba zhus pa'i tshul ni/ sku gsung thugs kyi sgo nas bstod de zhus pa/ oM thugs rje chen po 'gro ba'i 'dug tshul mgon/ /'bar ba'i sku ltar 'jig rten dregs pa 'dul/ /sa thob tshe dbang dus gsum bgres rgud med/ /chos kyi sku dang mtshungs la phyag 'tshal bstod/ /a pad ma zla gam rdo rje'i ljags dkyil nas/ gsang sngags 'phro 'dui legs ldan dpal gyi tshul/ zhi rgyas dbang drag gsang sngags rgyal po'i tshul/ /dpal chen gsung dang mtshungs la phyag 'tshal lo/ /hUM thugs khar nyi zla hUM la sngags kyi 'phreng bas bskor/ /rdo rje thugs kyi dkyil 'khor 'bar ba dang / /bde gshegs thugs kyi ngo bo mi bskyod pa/ /rdo rje sems dpa'i thugs dang mtshungs la phyag 'tshal bstod/ /sku gsung thugs kyi bye brag sna tshogs dang / /bdag gi g.yar dam dpal gyi bsam yas 'di/ /slob dpon khyod kyis byin gyis bslabs