phyi nang / sngags phyi nang rgyud 'grel mang po bsgyur nas/ chos kyi 'khor so bskor ro/ /de nas rgyal po khri srong lde btsan gyis slob dpon rnams la gsungs pa/ bdag bsod nams kyang rab tu byung / bsam pa thams cad kyang yid bzhin du grub/ dam pa'i chos kyang ma lus pa nyi ma shar ba lta bu byung / rgya dkar nag gi chos kyang ma lus par bod du bsgyur zhing / chod bshad pa bka' drin che/ bdag la tshe yang rab tu ring ba'i chos gcig zhu 'tshal zhes tshogs kyi 'khor lo yang yang bskor nas zhus pas/ slob dpon pad mas gsungs pa/ rgyal po mnga' thang che ba dang / /bod khams dad pa skyes pa yis/ /cung zhig rgyal khams dar bar mchi/ /glang gi lo'i lo phud la/ /rgyal pos dgung lo lnga bcu rtsa drug bzhes/ /de la rgyal po 'da' dus yin/ /sku'i rim gro bgyis pa yis/ /mi lo bcu gsum sku tshe bsrings/ /de la rgyal po dgung du gshegs/ /rgyal srid mnga' thang chung du 'gro/ /de 'das phyag na rdo rje'i sprul pa gcig /rgyal po ral pa can zhes bya/ /gdung rabs gsum nas 'byung bar 'gyur/ /de yis bstan pa rgyas par byed/ /rgyal po de'i tshe smad la/ /bdud kyi rgyal po sdig spyod can/ /glang gi ming can 'byung nas ni/ /dam pa'i chos khrims snub par byed/ /dus ngan 'byung ba gdon mi za/ /rgyal khrims zhig nas rgyal po gsod/ /bod 'bangs sil bu phyogs bcur chad/ /rgyal po'i sku'i rim gro gyis shig /gsungs nas paNDi ta dang lo tsA ba rnams bka' gros mdzad de/ phyi'i bskongs rim gror thugs dam rgyal po'i mdo bcu bsgyur te/ shes rab snying po lta ba'i mdo/ 'da' ka ye shes sgom pa'i mdo/ byang chub ltung bshags bshags pa'i mdo/ rdo rje rnam 'joms khrus kyi mdo/ bzang po spyod pa smon lam mdo/ tshe dpag med tshe bsrings pa'i mdo/ gos sngon can srung ba'i mdo/ nor rgyun ma nor sgrub pa'i mdo/ gtsug tor dkar mo bzlog pa'i mdo/ yi ge gcig ma snying po'i mdo/ de rnams bsgyur nas rgyal po'i thugs dam du phog nas nar mar mdzad/ nang bskongs su sngags kyi spang skong cha lag dang bcas pa bskyur nas yid dam mdzad/ de yang sngon sems can lus srul pos slob dpon bsad de mtshams med kyi las byas pas dmyal bar lhung ba la dpal kun du bzang pos thugs rjes bzung nas bshad pa de bzhin du rgyal po'i dam tshig nyams chag bskongs te/ sdig sgrib byang bar gyur to/ /gsang ba'i bskongs su bshags pa bsnyen sgrub dang bcas pa mdzad/ ye shes sku mchog brjod med kyi bshags pa/ mkha' 'gro sde bzhi'i dkyil 'khor lha grangs kyi bshags pa/ lha ba'i klong bshags don dam lta ba'i bshags pa/ dam tshig nyi shu rtsa brgyad pa/ sa ma ya 'bum sde bsdus te rkang grangs kyi bshags pa dang / gshags pa ru chen bzhi bsgyur nas bram ze thod pa can la/ dpal rdo rje sems dpas gsungs pas sgrib pa dag pa bzhin du/ rgyal po'i dam tshig nyams chag bskangs te sgrib pa dag par gyur to/ /sku las 'byung ba bzhi las byung ba'i nad la/ rgya yi sman pa ha cang te tsa dang / bla sman pa myang tsan pa shi la sogs pas sman dpyad mang po bsgyur ro/ /sman dang bcud len gyi sbyor ba'i thabs mang po yang mdzad do/ /slob dpon pad mas mdos le'u stong phrag gcig dang / lha 'dre stong gi dra ba/ ma mo srid pa bem/ srid pa mtsho bzhi dang /