pa zhi khro'i dkyil 'khor bzhengs nas/ rgyal po dang / bai ro tsa na dang / snubs nam mkha'i snying po dang / snubs sangs rgyas ye shes rin po che dang / ngan lam rgyal mchog dbyangs dang / jo mo bkra shis mtsho rgyal dang / 'brog mi dpal gyi ye shes dang / rlangs dpal gyi seng ge phyi ma dang / dri med zla shar snyags dznyA na ku ma ra dang / shel dkar bza' rdo rje mtsho dang / 'brom bza' ti pa ma dang / ru yong bza' 'thing ma dang / mchims bza' rin chen sa le 'od/ mer gong bza' gsal le la sogs pa slob dpon pad ma'i gzungs ma mtshan ldan drug dang / rgyal po rje 'bangs nyi shu rtsa lnga la dbang bskur ro/ /sgrub pa'i lung byin/ sgrub pa byas pas thams cad kyis grub pa thob po/ /rgyal po nyid lnga bcu rtsa drug las tshe med pa la/ lo bcu gsum tshe bsrings pa dang / ting nge 'dzin zab pa'i grub pa thob/ bai ro tsa na phung po lhag med du sangs rgyas/ snyags dznyA na ku ma ras bdud rtsi bsgrubs pas/ lung pa thams cad sman dris gang ste/ sems can thams cad kyi 'byung ba'i nad zhi ba'i grub pa thob/ snubs nam mkha'i snying pos nyi ma'i zer la bzhon pa dang / nyi ma stod la non pa'i grub pa thob/ sangs rgyas ye shes rin po ches lo brgya dang buca gsum lon te/ gling gzhi ri rab skad cig la 'khor ba'i grub pa thob nas/ rig 'dzin gyi gnas su gshegs so/ /ngan lam rgyal ba mchog dbyangs dpal rta mgrin grub nas spyi gtsug nas rta mgo bton te rta skad thon/ 'brog mi dpal gyi ye shes mkha' 'gro ma'i zhal dngos su gzigs/ ma mo bran du 'khol/ dran pa nam mkhas thog chen mda' ltar 'phen/ g.yag rgod khugs so/ /'o bran dpal gyi gzhon nu chu la nya ltar 'dzul chu la mi bying / rma rin chen mchog pha bong zas su za/ dpal gyi ye shes ri klungs thogs pa med/ mkhar chen bzas bsad pa'i mi ro slong / mi lo brgya thub pa'i dngos grub brnyes/ lang gro dkon mchog thog chen mda' ltar 'phen/ de la sogs pa'i grub thob mang po byung / rgyal blon thams cad kyis bsgrubs pas grub pa thob pa'i lo rgyus chos 'byung lags so/ /de nas rgyal po'i thugs dgongs la/ lnga brgya dus kyi snyigs ma la/ nga'i gtsug lag khang gi srung ma chos skyong gcig dgos par 'dug bstan pa srung ba'i srog ser/ thog gtad khram la sogs pa yang dgos par dgongs nas/ slob dpon pad ma 'byung gnas la tshogs kyi 'khor lo rgya chen po mdzad nas zhus pa ni/ e ma ho/ slob dpon chen po bka' drin can/ /lnga brgya'i tha ma phyi phugs su/ /bdag 'dra rgyal po chos mi 'byung zhing / /blon po gdug cing 'bangs rnams sil bur 'gro/ /dbus gtsang ru bzhi mtha' 'dulagyi/ /gtsug lag khang gi srung ma gang gis bgyi/ /bstan srung thog ser gtad la sogs/ /sngags kyi bstan pa srung ba gang la bgyi/ /slob dpon thugs rjes gzung nas gnang bar zhu/ /zhes zhus pas/ slob dpon gyis bka' bstsal pa/ e ma ho/ dus kyang je ngan je ngan 'gro/ /rje'i thugs dam bsam yas kyang / /rgyal po'i snying du 'gong po 'jug /'bangs rnams nang 'thab dme khrug byed/ /gtsug lag khang la 'thab khang 'cha'/ /sgyogs dang me dong 'jigs pa 'ong / /dbus dang mtha' 'dul skor rnams ni/ /mi nag rnams kyis spyod par 'gyur/ /chos 'khor mda' bug dod par byed/ /chos 'khor gnyan