po 'jig par byed/ /sngags pa gri ru gsod par byed/ /rgyal po'i shul gyis lam mi thub/ /chos gos 'og tu gri thung 'jug /che btsan dug gis gsod par byed/ /skye bo nang 'thab mtshon gyis gsod/ /sngags pa nang rgyas mthu 'dren byed/ /gong kha tsher thams bsdams byed pa dang / /so kha phyi sgo srung ba dang / /pha spun nang dme byed pa dang / /mtshon gyi bskal pa dar bar 'ong / /chos byed btsun par mi byed cing / /zog po bslu brid mkhan la brtsi/ /gos ngan khyi'i thul pa gyon/ /zhwa ngan rtsid pa'i 'be zhu gyon/ /mtshon dang dbyug pa 'khyer ba dang / /chos ngan chad lta'i stong nyid ston/ /bstan pa 'jig pa'i ltas ngan yin/ /de tshe gtsug lag dkor srung ba/ /dkor srung rgyal po dpe har dgos/ /bha ta hor gyi sgom gra nas/ /ka cha'i phyir ni 'brangs nas 'ong / /de tshe nga yis dkong srung bcol/ /gsungs so/ /de nas rgyal pos bha ta hor gyi sgom gra bcom/ rgyal po shing bya can zhes kyang bya/ bdud ya bzher nag po zhes kyang bya/ g.yas kyi ru 'dren/ dpa' bo stag chas brgya/ g.yon gyi ru 'dren/ nyan thos dgra bcom brgya/ slad kyi rjes gnon ban de nag po brgya/ sngon gyi bshul 'breng ba/ bud med nag mo brgya/ phyi'i blon po lang ka ha ra brgya/ nang gi blon po mon bu spu tra brgya/ sku'i skyo bsangs gar 'bag seng ge brgya/ sprul pa'i yang sprul spre'u byi la brgya/ dkor dang lha 'dre phyir ni 'brangs nas byung / de nas slob dpon pad ma 'byung gnas kyis/ dpe dkar dkor mdzod gling du rten btsugs nas dam la btags so/ /dpal bsam yas la sogs pa'i gtsug lag khang / mtha' 'dul yang 'dul thams cad kyi gtsug lag khang gi srung mar bzhag go/ /de nas slob dpon pad ma 'byung gnas dang / spa gor bai ro tsa na dang / snubs nam mkha'i snying po dang / sba ye shes dbyangs dang / dpon slob kun gyis lha ma srin sde brgyad la dkar po ging / nag po bdud/ dmar po btsan/ srog gcod gnod sbyin/ shan pa srin po/ nad gtong ma mo/ drag po gza'/ gdug pa klu/ de rnams kyi sgrub thabs bsam gyis mi khyab pa zhig bsgyur ro/ /khyad par du bstan pa spyi'i srung ma dpal mgon po nag po dang / dpal lha mo nag mo dang / sngags srung nag smug rnam gsum gyi rgyud dang sgrub thabs bsam gyis mi khyab pa bsgyur ro/ /lha ma srin thams cad kyi sna 'dren gyis rdorje legs pa'i rgyud dang / sgrub thabs bsam gyis mi khyab pa gcig bsgyur ro/ /steng nas nam mkha' la dbang byed pa'i gza' gdon la sogs pa dang / chu 'khyags ser ba/ gnam lcags thog dang / mgo nag la dbang byed pa'i klu bdud la sogs pas mdze nad sna tshogs gtang ba'i gtad khram/ de la sogs pa'i drag sngags ngan sngags bsam gyis mi khyab pa zhig bsgyur ro/ /de nas rgyal po khri srong lde btsan la bstan srung rnams gtad pa'o/ /bdag 'dra pad ma 'byung gnas dang / bai ro tsa na nam mkha'i snying po dang / a tsarya ye shes dbyangs kyis/ skal ldan bod kyi rje khri srong lde btsan la bdud rtsi thigs bsags gtad/ gtad do gnyer du gtad/ chongs shig thugs la chongs/ /yang na snod dang ldan na rab/ /yang na snying rje che na 'bring / /tha ma sgyu ma'i nong la sbyin/ /'di gsum dag dang ma 'brel bar/ /gtad nas ngan sngags 'phel gyur na/ /sngags kyi bdag po bdag