mo yis/ /rgyal po'i tshe bskul ngan song lhung / /de bas rin chen srog ltar chongs/ /zhes gsungs te bstan srung rnams rgyal po la gtad do/ /de nas mnga' bdag rgyal po rab tu dgyes nas/ rta chibs pa mtshal bu bya gdong gis sna drangs pa'i rgyal po'i 'og rta drug la gser srab g.yu mthur seng ldeng sga bra/ za 'og gi hor stan pho long ris su bris pa/ gser ril ma bre zho gcig g.yu bre gang / rje'i mgul g.yu mtsho ro 'od 'bar mgal nas bkrol te/ de rnams slob dpon la phul nas phyag dbu thod bud bud 'tshal lo/ /slob dpon gyi gsung gis sgyu ma'i nor la phangs pa med par phul pas ngo mtshar che/ phyag byad bzang lags gsungs pa dang / banga' bdag gi thugs dgongs la slob dpon kyang lho bal nas byon pas nor phul ba la dgyes par 'dug nor dad rang che bar 'dug snyam pa dang / slob dpon mngon par shes pa mnga' bas rgyal po'i thugs dngogs la de ltar ba dang / slob dpon gyi zal rje mnga' bdag thu ba zed cig gsungs nas/ bye ma dang rde'u khrag khrog thu bar blugs nas en cig zungs shig gsungs pa dang / rde'u khrag khron g.yur song nas dug pa dang / slob dpon gyi zhal nas/ rje'i sgrib pa sbyong ba dang / rgyu bsod nams kyi tshogs rdzogs par bya ba'i phyir blang bar zad kyi/ de min nga la snang ba thams cad gser du yod/ nga la ni sgyu ma'i nor gyi dgos pa med pas/ rgyal po rang ci dgar spyod cig ces gsungs pa dang / rgyal po nyid thugs skyengs te ngo tsha bar gyur nas 'gyod pas slob dpon chen po lags/ bdag ni mtha' 'khob rgyal por song / /sgrib pa che bas the tshom byung / /gnong ngo 'gyod do sprul pa'i sku/ /thugs rjes zungs shig bka' dren can/ /dam tshig nyams pa skong thabs zhu/ /zhes lus gcer bur sa la brdams/ brkyangs phyag 'tshal/ spyan chab phyung nas phyag dbu thod bud bud 'tshal/ de nas slob dpon gyis rgyal po la gsungs pa/ rgyal po nyid rga sems can lags pas sems rtog pa byung yang dam tshig nyams rgyu med/ nga ni rnal 'byor pa yin pas sems la khong khro ba med/ rje rang bshags pa lta ba'i sgom la mdzod/ sems rtog dri ma lam la gzhug gtso bor dge bcu spyod pa mi dge bcu po spongs/ ci byas chos su spyod la chos khrims dam par skyong sa/ sdig spyod blon po la ma nyan/ dgra'i the tshom chod/ ces gsungs nas/ dam tshig nyams pa skong ba'i skad du rgyun bshags gnang ngo / /ngan sngags kyi 'gyur byang dang / rgyal po la dam tshig skong thabs gnang ba'i lo rgyus chos 'byung lasags so/ /de nas slob dpon pad ma 'byung gnas la/ rje mnga' bdag khri srong lde btsan rje 'bangs nyi shu rtsa lngas/ bsam yas mchims phu phug pa chen por/ rdzogs pa chen po nam mkha' tshe'i dbang zhus pa'i dus su/ rgyal pos slob dpon pad ma 'byung gnas la gzigs shing / brtags pas shin tu ngo mtshar skyes te/ slob dpon chen po khyod lta bu dang po bskal pa bzang po nas 'jig rten 'khor ba ma stongs kyi bar du sku tshe la bgres rgud skye 'chi ma mnga'/ tshe'i rig 'dzin thob pa thabs ji lta bu'i sgo nas brnyes pa lags zhes zhus pas/ slob dpon gyi zhal nas ngas rig pa rtse gcig tu bzung nas 'khor 'das kyi ru shan phye nas nyams su blangs te bsgrubs pas/ lus kyi 'byung ba dwangs nas rdo rja lta bur gyur