pa yin/ bcom ldan 'das mgon po tshe dpag tu med pa la gsol ba btab ste bsgrubs pas/ dngos grub tshe la dbang ba lta bur thob nas tshe nyi zla dang mnyam par gyur pa yin/ de nas skye 'chi med par gyur pa yin/ rtsa dang rlung gi bde drod la brten nas dwags snyigs phye nas/ gzungs ma mtshan dang ldan pa la nyams su blangs nas bsgrubs pas tshe lo stong gi bar du gnas pa yang yod/ sman dang rtswa'i bcud la brten te bsgrubs pas/ tshe lo lnga brgya'i bar du bsrings pa yang yod do gsungs pas/ rje mnga' bdag rgyal po'i zhal nas/ bdag kyang go ga tshe'i rig 'dzin thob nas phyag rgya chen po mchog gi dngos grub thob pa zhig zhu 'tshal/ zhes zhus pas/ slob dpon chen po'i zhal nas/ bdag kyang rdo rje theg pa chen po phyi nang gsang ba gsum gyi dbang ma lus par longs spyod pas phyag rgya chen po mchog gi dngos grub thob/ mgon po tshe dpag tu med pa la gsol ba btab cing bsgrubs pas tshe'i rig 'dzin thob nas skye 'chi med par gnas pa yi/ da rgyal po la yang de ltar bgyi'o gsungs nas/ dus de nyid rang du brag dmar g.ya' ma lung gi dben rtsa ru bcom ldan 'das mgon po tshe dpag tu med pa'i dkyil 'khor zhal phye nas/ tshe'i bum pa rin po che phra men gyi bum pa gcig gis thog drangs pa'i/ bcom ldan 'das rigs lnga'i bum pa lnga / las bum gcig dang drug byin gyis brlabs nas/ rdzas bkod mdzad nas mtshams bcad do/ /mkha' 'gro bkra shis mtsho rgyal/ shel dkar bza' rdo rja mtsho dang / 'bro bza' ti pang ma/ ru yong bza' ma 'ating ma/ mchims rin chen gsal le 'od/ mer gong bza' rin chen gtsug dang drug la segs te/ khyad par gyi bu mo gzungs mar byas/ snubs nam mkha'i snying po/ lo tsA ba snyags dznyA na ku ma ra dang snan sba a tsarya dpal dbyangs la tsogs pa grub chen nyi shu rtsa lnga dang bcas pas tshe bsgrubs te/ da ste zla ba gcig dang zhag bcu song tsa na tshe chu la rgyal blon rnams shog ces gsungs/ der tshe bsgrubs nas zla ba gcig dang / zhag bcu song tsa na/ brag dmar g.ya' ma lung gi nam mkha' la bcom ldan 'das tshe dpag tu med pa tshe'i lha mo nyanyi shu dang / phyogs bcu'i sangs rgyas dang / byang chub sems dpa' dpag tu med pa mdun gyi nam mkha' la byon nas tshe'i bum pa la them pa dang / 'od zer dkar po 'phros pas/ 'jig rten rigs drug gi sems can la phog pas so so'i sdig sgrib sbyangs/ sdug bsngal zhi bar gyur pa dang / 'od zer dmar po tshur 'dus pas tshe'i bdud rtsir gyur pa la sogs pa byung nas/ slob dpon gyis srung ma bskul nas/ rgyal po rje 'bangs tshe chu la bos la shog gsungs pa dang / rgyal po'i mna' lam du yang brag dmar g.ya' ma lung nas tshe'i 'od zer rgyal po'i dbu la shar nas byung ba'i dus su srung ma rnams kyis rgyal po tshe chu la shog byas pas/ der rgyal pos 'khor btsun mo dang / nang mi blon po la brgyud nas/ blon po chen po bdun sbron du btang bas/ blon po chen po bdun po re re la 'khor lnga brgya lnga brgyas bskor nas/ yom 'bog gi thang la 'tshogs pa dang / rgyal po nam langs nyi ma ma shar gyi gong du/ sgo nas thon te chibs thog tu byon pa la/ blon po chen po rnams kyis phyag byas zug bsnems nas zhe sa phul/ de'i dus su blon po chen po rnams kyi