nang nas/ ngan lam ta ra klu gong nag po bya ba des/ rje 'bangs mnga' bdag rgyal po'i chibs kha nas bzung nas rje lags/ tshe chu la bzhud pa ni blun rmongs pa'o/ /kha rtsang zla ba sngon ma la mchims phur bla mchod paNDi tas rtsi dug nyos nas song skad do/ /rtsi dug bas kyang bzod pal/ ri gdong gi brag la yi ge bris nas/ bod na dug yos zon gyis shig skad do/ /kha tsang dbang skur ba'i dus su yang / jo mo rgyal srid khor 'bangs dang bcas pa phul cig gsungs/ rje'i rgyal sa la mtha'i mon pa spyi bcings 'di snyob pa ring nas gda' 'o/ /de bas da lan tshe chu 'di rang bshol na mi drag gam/ da res bshol la thong zhes zhus pas/ nang rtags phyi ru shar/ shing gi lo ma skyes pa 'dra/ thugs bsam gcig mdzod cig zhus pa dang / rje dar cig sems de sems pa la bzhugs pa dang / mi'i rnam par shes pa 'di dpag par dka' bas/ da lan gyi tshe chu de bshol la mthong zhes te/ chibs kha nang du bsgyur bas/ blon po rnams sran phung la rdo brgyab pa bzhin so sor gyes so/ /de ltar rgyal po tshe chu la ma byon nas/ de ma thag skad cig la srung ma rnams kyis tshul de ltar slob dpon gyi snyan du gsol bas/ slob dpon dbang bskur gyi sta gon dang dngos grub kyi bskul chog mdzad pa las/ zhal ras nag por song ba las/ mtsho rgyal mi brjed pa'i gsungs thob cing / mngon par shes pa phra mo mnga' bas/ slob dpon la zhus pa/ rje mnga' bdag tshe chu la mi 'byon par gda' 'am zhus pas/ rgyal po rje 'bangs rang re la blo log pa bzung nas/ tshe chu mi 'thung bar yod gsungs pas/ yang zhus pa/ 'o na 'di 'atung pa'i skal ldan gang lags/ 'thung na yon tan ci 'byung zhus pas/ slob dpon gyi zhal nas 'di skad gsungs so/ /mgon po tshe dpag med pas byin brlabs kyang / /tshe 'dod me tog u dum wa ra 'dra/ /skal ldan tshe la dbang ba nyi zla tsam/ /'di 'thung tshe lo stong phrag bdun tsho gsum/ /sems can lus la skal ba bzang por 'gyur/ /rgyal po ma'i mngal kha stong srid dam/ /zung 'jug 'khor ba'i las la spro srid dam/ /tshe tshu 'di la dbang ba'i skyes bu gang / /ma 'ongs skal ldan rnams la gter du bzhag /gsungs nas gter du sbas pa yin no/ /sku'i 'od zer gyis thal le bor/ phog pa'i gnas brag dmar rdza phug gi gling bya ba bya khyung gi gshog pa 'dra bar/ slob dpon rang gi sgrub gnas brag mchod rten 'dra ba byin che ba yod pa la/ rin chen phra men gyi bum pa dbus kyi nge dang / de dus kyi bkod pa'i rdzas dang / gtor ma rakta bdud rtsi tshe'i phur pa dang bcas pa sbas so/ /gzhan yang gu ru'i na bza'/ gser gzhong pa gang dang / gter yig kyang sbas so/ /gcig brag lha ri la sbas so/ /gcig nub kyi phyogs su brag rdo rje tshe brtan la sbas so/ /gcig byang phyogs brag lha lung gi sgo'i nang du sbas so/ /gcig brag dmar gyi rdza la sbas so/ /las kyi bum pa zungs mkhar rdo'i mchod rten la sbas so/ /de rnams kyang slob dpon gyis zhabs kyis bcags shing bsgrubs pa'i gnas yin pas gter yig kyang sbas so/ /slob dpon gyis tshe chu bsgrubs nas ma 'ongs skal ldan la gter du sbas pa'i lo rgyus lags so/ /de nas slob dpon pad ma 'byung gnas kyis rje khri srong lde btsan la bka' bstsal pa/ bdag 'dra pad ma 'byung gnas dang / /sba