'gyur ro/ /bkra shis par 'gyur ro/ /bsod nams 'phel che bar 'gyur ro/ /tshe rabs nas skye ba gar skyes kyang 'phags pa spyan ras gzigs dang mi 'bral bar 'gyur ro/ /mi de dag la nad gdon gyis nyes pa la 'jig rten gyi rkyen bzlog ci byas pa bas yi ge drug pa lan gcig bzlas pas bzlog che'o/ /sman dpyad dang bcos ka ci byas pa bas yi ge drug pa bzlas pas bzlog che'o/ /yi ge drug pa'i yon tan brjod pa ni tshad las 'das so/ /de ci'i phyir zhe na/ byang chub sems dpa' 'phags pa spyan ras gzigs kyis 'gro ba rigs drug gi sems can la thugs rje rgyun chad med par gzigs so/ /thugs kyi yang snying 'di sems can thams cad 'khor ba las sgrol ba'i snying po yin no/ /oM ma Ni pad me hUM:zhes gsungs pa dang / bod kyi mi rnams kyi yid dam du thugs rje chen po'i yi ge drug pa bzlog na/ ngan song gsum du 'gro ba'i dogs med do/ /bod kha ba can gyi lha skal yin pas/ dad gus mos pas gsol ba thob cig byin rlabs 'phral la 'ong ngo / /the tshom dang yid gnyis ma byed cig chos su 'di las zab pa med do/ /pad ma 'byung gnas bdag ni da 'gro bas/ bod kyi rgyal blon rnams kyi thugs la de ltar zhog ces gsungs pas/ bod kyi rgyal blon thams cad rab tu dad nas phyag kyang 'gyel ba ltar btsal lo/ /thugs rja chen po yi ge drug pa'i yon tan dang bsngags pa brjod pa'i lo rgyus lags so/ /de nas slob dpon pad ma 'byung gnas lho nub mtshams srin po'i yul du bzhud pa la lha sras mnga' bdag rgyal po mu tig btsan po dang / blon po rnams dang / dge bshes rnams dang / sngags pa rnams dang / rnal 'byor pa rnams dang / sman pa rnams dang / bon po rnams dang / skye bo rnams dang / bud med rnams dang / sgom chen pa rnams dang / nya ma rnams dang / slob dpon gyi mi brjed pa'i gzungs tob pa'i bkra shis mtsho rgyal dang / shel bza' rdo rje mtsho dang / ru yongs bza' 'thing ma dang / mchims bza' rin chen gsal le 'od dang / 'brom bza' ti pang ma dang / mer gong bza' rin chen mchog gtsug dang / khyad par gyi bu mo drug dang bcas pa rnams kyis/ rgyal po la bskor nas byon/ slob dpon pad ma lha srin sde brgyad kyis bskor nas byon pa la bod kyi bstan ma bcu gnyis/ skyong ma bcu gnyis/ ya ma bcu gnyis/ dge bsnyen nyi shu rtsa gcig g.ya' ri mo/ gangs ri mo nyi shu rtsa gcig mkha' 'gro dang shugs 'gro mang pos bskor nas byon nas mang yul don khar byon pa dang / thams cad kyis slob dpon la phyi pyag byas pa dang / der slob dpon pad ma 'byung gnas kyis mgur bzhes pa/ nga 'gro srin po'i yul du 'gro/ /nga 'gro lta ba'i thang la 'gro/ /lta ba'i thang la 'gro tsa na/ /snang srid chos skur khyer nas 'gro/ /nga 'gro sgom pa'i thang la 'gro/ /sgom pa'i thang la 'gro tsa na/ /mnyam bzhag rjes thob med par 'gro/ /nga 'gro spyod pa'i thang la 'gro/ /spyod pa'i thang 'gro tsa na/ /blang dor ro snyom med par 'gro/ /nga 'gro 'bras bu'i thang la 'gro/ /'bras bu'i thang la 'gro tsa na/ /re dogs 'bras bu bsal nas 'gro/ /nga 'gro lta ba'i lam la 'gro/ /lta ba'i lam la 'gro tsa na/ /nyin mtshan sgom du med par 'gro/ /nga 'gro sgom pa'i lam la 'gro/ /sgom pa'i lam la 'gro tsa na/ /bying rgod gnyis su grol nas 'gro/ /nga 'gro spyod pa'i