bos so/ /gru gu'i yul nas gru gu se thod dang / gru gu go cha bos/ 'bro yul nas 'bro kho sbyor dang / 'bro bzang la yug bos/ cog ro'i yul nas cog ro mang po bos/ 'do rgod kyi yul nas 'do khu mdo bos/ 'bro snya'i yul sde gsum las/ g.yu bzher legs khri bos/ de rnams rta dpyad 'gran pas/ gru gu se thod kyis stangs bcad de rta la rigs rnam pa lnga mchis te/ 'byung ba lnga dang bstun pa/ se tho sa'i khams dang gcig gyi ling chu'i khams dang gnyis/ gyam shing me'i khams dang gsum/ mdo ba rlung gi khams dang bzhi/ gung ron nam mkha'i khams dang lnga'o/ /de ltar ngos bzung stangs su phul bas rgyal blon thams cad mnyes so/ /bya dga' yang che thang du gnang ngo / /de'i dus su pho brang rim dgu'i sgo khang du mkhan po bo dhi sa twa'i dbu la gor bus phra brgyab pa ltar mdzad nas/ zhal chems ye shes dbang po la bzhag nas sku gshegs so/ /de'i spur bsam yas has po ri'i rgyab tu bzhugs nas mchod rten gcig bzhengs so/ /der btsan pos ye shes dbang po chos dpon du ring lugs su bskos/ mdun du yang bla'i 'og tu bton/ rab tu byung ba mang bas chos grwa'i dpon dang / nya ma'i dpon yang so sor bskos/ na bza' rnams dang / rgyal blon mang pos 'phan gyis sbyor/ slob dpon ring lugs pa la zla ba re re'i phogs la nas khal bdun cu/ chos grwa'i dpon la nas khal sum cu rtsa lnga/ chos slob pa la nas khal bcu gnyis re thang du bcad/ slad kyi ye shes dbang po mngon shes dang ldan pas/ dkon mchog gsum gyi rten yun ring du gnas pa'i ched du/ rten la 'bangs mi khyim brgya/ ban de re la 'bangs mi khyim gsum gsum bcad/ 'bangs lha ris pa la/ bla nas dbang che mi bya bar chad/ gang zag shes rab can dang / brtson 'grus ldan pa rnams/ thos bsam sgom gsum la bcug mgo 'dren rnams la mtshan mkhan po dang / bshes gnyen du btags/ chos grwa chen po bcu gnyis su chos slob/ stangs 'bul gyi sa drug tu stangs 'bul/ sgom grwa chen po lngar sgrub pa nyams su len/ 'bri dang / klog pa dang / bsgyur ba dang / 'chad pa dang / nyan pa dang / sems pa dang / bgro gleng dang / dpang sgong gi phyag mchod/ sman lha'i mdo chog ltung bshags kyi phyag 'tshal/ sher snying gi mdo sgrub/ lho bal bas kyang lhag pa mdzad do/ /chos lugs bzang po mi nub pa'i rgyal mtshan btsugs/ de rnams kyi 'tsho ba bla nas sbyor pa'i cha rkyen la/ zhing dang / dar zab/ gser dngul/ zangs lcags/ rkang 'gros tshong skyed rnams bshams/ dbang kha dge 'dun la bskur/ nyan ting nge 'dzin bzang po la sogs pa ye shes dbang po la mi nyan pa mi mchi dgu mchi bas/ ye shes dbang po bros nas lho brag mkhar chu btsan gyi brag phug la bsgom du song / phrag la ga sha bkal/ spa la zam pa btsugs/ lus sa la byas/ sa rdo la bas pa ltar 'dug khrims grogs la bya yang gnyen du mi 'jug de'i 'og tu dpal dbyangs chos dpon la bskos pa dang / rgya nag gi mkhan po ma hA ya na'i slob bu sgom phrug pa rnams dar te 'khor bar skye ba'i rgyu/ rang ngo rang gis ma shes pas lan/ rang ngo rang gis shes na rtogs nas sangs rgyas/ de'i phyir sems ngo 'phrod dgos/ de ngo shes na dkar po chig thub yin/ 'di'i gzhung 'dzugs pa la/ sems len bsu bya ba'i bstan bcos gsum mdzad do/ /sems