ngo 'phrod na nyal bas chog pas/ bsam gtan nyal 'dug gi 'khor lo dang / de'i gnad ston pa'i bsam gtan gyi 'khor lo dang / de'i gegs sel ba la bsam gtan gyi yang len no/ /de'i gdams pa rigs pas sgru pa la/ man ngag lta ba'i rgyab sha dang / de lung gis sgrub pa la mdo sde brgyad bu khungs zhes bya ba mdzad/ de nyams su len pa la yas babs dang / mas 'dzegs gnyis/ cig car ba dang / rim gyis pa'i lugs gnyis yod pa la/ chos 'di ni dbang po yang rab kyi don/ khyung nam mkha' las babs pa dang 'dra/ cig car ba yin no/ /sems ngo ma 'phrod na/ lus ngag gi chos spyod dang dge ba byas pas mtho ris thob pa las/ sangs rgyas mi thob/ bya ba btang / ci yang yid la mi byed par byar med/ 'dod 'dun spangs te bdag 'dzin grol nas/ sangs rgyas zer nas sgom bslabs pas/ bod ril pa khong gi chos la dad de bslab po/ rdzogs byed mdo bculas/ spros pa med pa'i chos nyid la bsams la/ gzung 'dzin bral ba'i rim pa ma sbyangs pas/ ton min rtsen min dag gi chos nyid bzhin/ rang gi rnam rtog de nyid ye shes 'dod/ bsam gtan sgom pa'i sgo sar nga yis bshad/ ces so/ /de yis bsam yas dang / lha sa la sogs pa'i mchod pa byed pa nyung du song / lus ngag gi dge sbyor mtshan bcas byed pa 'phro chad pas sba rna dang / bai ro tsa na dang / sba dpal dbyangs la sogs nyung shas shig slob dpon bo dhi sa twa'i grub mtha' 'dzin/ de ltar lta spyod ma mthun par gyur to/ /btsan pos rgya'i ston pa'i chos min byas pas ston min pa bya bar grags/ drang srong bzod pas lus la me spar nas mchod pa phul bas/ sems can la brtse ba'i sgo nas tshogs bsags pa gal che byas pas/ btsan po na re/ lus la me spar ba'i brtse ba de yang / chos min nam byas pas brtse min pa bya bar grags so/ /btsan pos lta ba dang spyod pa mthun par brtse ba min pa ltar yin byas pas/ ston min pa rnams khros nas nyang sha mis rang gi sha nye spangs/ rngog rin po che dang / snyags bi ma yis/ rang gi pho mtshan brdungs/ rgya'i ston pas mgo bstud de bro bor/ gzhan rnams chu gri re btsugs nas/ brtse min pa ril gsod zer/ de btsan po'i snyan du bzlas pas/ ji ltar bya ma shes te/ ban sde rnams la btsan pos sku yon btang ste ye shes dbang po 'bod mi btang bas ma khugs/ nang blon chen po khams pa go cha btang ste khyod kyis ye shes dbang po spyan drongs na/ bya dga' byin gyis/ ma khugs na khyod rang gsod do/ /zhes bsgos nas/ btsan po'i bka' shog gi sgrom bu bskur nas btang ngo / /khams pas lho brag tu phyin/ bka' sgrom phyag tu phul nas/ khyed byon na bdag la bya dga' yang gnang bar bdog ma byon na bdag 'gum pas bdag ni brag phug 'di nas mchongs te 'gum mo/ zhes zhus pas/ 'di nga la bar chad kyi bdud gcig byung / da khyod kyi srog 'don no gsungs nas/ nga 'ong gis rta ded la shog ces 'phrin bskur bas/ khams pa dga' ches nas btsan po'i snyan du gsol bas/ bya dga' yang gnang nas/ gor bu bcu drug ded nas ye shes dbang po spyan drangs/ pho brang du btsan po la phyag bzhes/ btsan pos btsun pa 'khrugs pa'i lo rgyus zhib tu smras nas rgya dkar nag gnyis chos lugs la ma 'chams pas/ de gang bden khyod kyis smros shig gsungs so/ /ye shes dbang po na re/ de la