bdag dgug mi 'tshal te/ mkhan po bo dhi sa twa'i zhal chems bdog go/ /bdag sgom pa'i bar chad ma byas na tshe ring / btsan po'i sku tshe yang ring / dam pa'i chos kyang 'phags pa byams pa byon pa'i bar du gnas pa yin la/ bod la skal ba ma mchis/ mkhan po 'da' kar 'di skad gsungs te/ sangs rgyas kyi chos gang du dar ba der/ mu stegs kyi sgom pa'i grwa re 'gran du yong ba yin te/ bod yul du lnga brgya'i tha mar gyur pa dang / slob dpon pad ma 'byung gnas kyis bstan ma bcu gnyis la gnyer gtad pas/ chos dar yang mu stegs ni mi 'ongs na/ nang pa sangs rgyas pa'i nang na lta ba ma mthun pas rtsod par 'gyur gyis/ de tsa na nga'i slob ma ka ma la shI la bal yul sdod kyi/ de khug la chos kyi bgro glengs kyi shags 'debs su chug cig rtsod pa chos phyogs su 'dum par 'gyur ro/ /zhes gsungs so/ zhes gsol pas/ btsan pos bal yul du paNDi ta ka ma la shI' la spyan 'dren pa'i pho nya ba brdzangs pa dang / ha shang gi slob ma ston min pa rnams/ yum rgyas pa spyan drangs te/ bsam gtan gling sgo bsdams nas/ zla bzhi'i bar shags bslabs so/ /mdo dgongs pa nges par 'grel ba rtog pas sgrib cing 'di chos min zhes 'bar ro/ /de'i bar du ye shes dbang pos/ mkhan po bo dhi sa twa dang / ha shang gnyis kyi lta ba dang / dgongs pa ji ltar yin pa btsan po'i snyan du gsol bas/ dgongs pa grol nas dgyes te/ ye shes dbang po'i zhabs la phyag 'tshal zhing / khyed nga'i a tsarya'o/ /dus der ka ma la shI la 'byon gyin yod ces pho nya ma byung bas/ rje blon yos chab kar bsu bar byon pa dang / ha shang 'khor dang bcas pa yang chab kar bsu ba la byon/ de nas btsan po gong la bzhugs nas/ ston min pa dang / rtse min pa chos kyi bka' bgro zhing shags gdab par byas/ ha shang g.yas gral du byas/ 'khor jo mo byang chub dge dang / gzims mal bco mang dang / sru yang dag sde la sogs pa gral ring po byung / a tsarya ka ma la shI la g.yon gral du bzhugs te/ 'khor bai ro tsa na dang / sba rata?n dang / dpal dbyangs la sogs pa nyung shas gcig las ma byung / btsan pos ston rtsen re re'i phyag tu gser dkar re dang / me tog dkar po'i 'phreng ba re phul te bka' bstsal pa/ nga'i mnga' ris bod kyi rgyal khams 'dir/ thams cad nag po la dga' ba'i dus su/ za hor gyi rgyal po'i bu bo dhi sa twa spyan drangs nas bod nyung shas gcig chos la bkod/ dad pa can kha cig rab tu byung / dkon mchog gsum gyi rten btsugs pa'i skabs su/ rgya'i mkhan po ha shang ma hA ya na 'dir byon/ bod kyi btsun pa phal cher khong la slob par gyur/ bo dhi sa twa'i slob ma nyung shas tsam las slob tu ma btub nas/ ston rtsen gnyis su chad/ de gnyis lta spyod ma mthun par rtsod par gyur pa las/ ngas zhal lce gcod par ma rangs nas/ nyang sha mi dang / rngog dang / snyags la sogs pa kun gyis lus la na tsha bskyed/ ha shang me gos bro dor/ der btsan g.yon bskur/ da ni bo dhi sa twa'i 'khor ka ma la shI la yin pas/ khyed ha shang dang gnyis shags gyis la/ su gtan tshigs bzang ba de la su ngan pa des nga rgyal mi byed par me tog phul cig bstan pa rgyal du 'jog pa yin no gsungs nas/ rgyal po dang mkhan po rnams kyis dpang byas lung rigs ngan pa dang