kyi don nges par rtogs pa'i rnal 'byor pas/ dus gsum phyi nang thams cad stong par rtogs pa yis/ rtog pa nye bar zhi nas lta ba ngan pa thams cad spangs te/ de bstan nas thabs dang shes rab la mkhas pa/ sgrib pa thams cad bsal nas/ sangs rgyas kyi chos thams cad thob par 'gyur ba yin/ zhes gsungs so/ /yang a tsarya ka ma la shI las/ khyed kyi dpe don gnyis ka mi 'thad pas/ thog mar dpe mi 'thad de/ khyung nam mkha' la glo bur du 'dab gshog rdzogs par skyes nas shing rtser babs sam/ brag la sogs par skyes nas rim gyis 'dab gshog rdzogs par byas nas babs/ dang po ni mi srid la gnyis pa ni rim gyis pa'i dper rung gis/ de la mkhan pos dpe'i lan ma thebs pa dang / der atsaryas khyed kyi dpe de nor bar ma zad don yang 'khrul te/ rnam par mi rtog mi sgom pa de ci/ rnam rtog phyogs gcig bkag pa tsam yin nam/ rnam rtog mtha' dag bkag dgos/ phyogs gcig bkag pa yin zhe na/ gnyid dang brgyal ba'ang rnam par mi rtog par thal/ rtog pa phyogs gcig tsam yod pa'i phyir ro/ /rnam rtog mtha' dag bkag pa yin no zhe na/ de ltar na/ khyed rnam par mi rtog pa sgom pa'i tshe/ sgom snyam pa'i rtog pa sngon du gtong dgos sam mi dgos/ mi dgos na khams gsum gyi sems can la'ang sgom skye bar thal/ sgom snyam pa'i rtog pa sngon du ma btang yang sgom skye ba'i phyir ro/ /mi rtog pa sgom snyam pa'i rtog pa sngon du dgos na/ mi rtog pa sgom pa'i dam bca' nyams te/ dper na smra bcad byas pas/ smra bcad shor ba dang / ku co ma byed yang yang brjod pas ku cor song ba bzhin no/ zhes bya ba la sogs pa/ rigs dang lung gis lan btab pas/ rgya'i mkhan pos lan ci yang mi gsung bar gyur to/ /yang rgyal pos lan yod na gsungs shig ces pa dang / rgya'i mkhan po'i zhal nas/ snga ma brjod pa las lhag pa'i lan ci yang med do/ /gsungs so/ /btsan po'i zhal nas khyed ston rtsen shags gang bzang ba'i 'khor kun gyis kyang lan mchid shags thob cig ces bka' bstsal pa dang / dpal dbyangs kyis mchid nas/ rgya'i lta bar cig car 'jug cing rim gyis sbyong du ma mchis na pha rol tu phyin pa drug 'dzin pas ma chags pa'i slad du/ sbyin par ming btags kyi/ chags pa btang yongs su 'dzin pa med pas sbyin pa btang ba yin no/ /sgo gsum chags sdang spangs na tshul khrims yin/ khro ba med na bzod pa'i sa mchog lags/ le lo dor ba la brtson 'grus su ming btags/ sems la g.yengs pa ma mchis na bsam gtan/ chos spyi dang rang gi mtshan nyid shes pa shes rab yin/ ston pa 'das nas rang bzhin du lta ba mi mthun pa ma mchis/ slad nas dbu sde rnam pa gsum ma mthun te/ ston min cig car du 'jug mchis te/ ma 'tshal ma rtogs pas de ltar gyur/ 'jug sgo tha dad kyang sangs rgyas bar gcig 'bras bu'ang gcig ces kyang / don gyis mi mthun skad du smras/ ye shes dbang pos smras pa/ cig car 'jug bya ba dang rim gyis 'jug bya ba gnyis dpyad dgos te/ rim gyis 'jug na rgyu ma mchis na nged dang mi 'dra/ cig car 'jug na da rung ci byed dang po nas sangs rgyas na ci nyes/ des na ri la 'dzeg pa la yang gom pa re res 'dzeg dgos te/ gom pa gcig gis bgrod mi nus pa ltar/ sa dang po thob pa yang dka' na/ thams cad mkhyen pa la lta ci smos/ khyed la lung