su mi rigs pa la khrims kyis chad pa gcod do zhes bka' bstsal to/ /de la ha shang na re/ nga gzhi la snga bas nga yis dri 'am lan gdab zer ro/ /ka ma la shI la na re/ khyod kyi dgongs pa ltar shags thob cig ces zer ba dang / ha sang gi gsung gis nga yis las rgyu 'bras mi shes pa min/ gdul bya rnams nges don gyis khrid na lam nye bas/ thams cad sems kyi rtog pas bskyed pas/ sems dge mi dge dag gis las dge mi dge spyad pas/ ngan song gi 'bras bu nyams su myong zhing 'khor ba na 'khor zhing / gang zhig ci la mi rtog ci la yang mi sems pa de 'khor ba las yongs su thar bar 'gyur ro/ /de ltar na rgyu 'bras stong nyid du zab pas/ lta ba rtogs pa dang / snying rje chen po rang shugs su skye ba yin/ stong nyid snying rje chen po can du gnas/ mi dge 'chol rtag tu spyod pa min/ de lta bas na ci yang mi bsam mo/ /skyabs 'gro sems bskyed nas sbyin pa la sogs pa chos spyod bcu rang rgyud du spyod pa ni/ spre'u ltar mas 'dzeg yin no/ /skye bo dge ba'i las 'phro med pa zhang blon dbang po brtul po rnams la lam kha 'dren du bstan pa yin no/ /blon po blo sbyangs pa dbang po rnon po dag la sprin dkar nag gis kyang nyi ma sgrib pa ltar/ dge sdig gnyis kas sgrib kyi ci la yang mi sems mi rtog mi spyod pa ni mi dmigs pa'o/ /khyung lding pa ltar yas babs kyi chos yin no/ /cig car 'jug pa ni sa bcu pa dang 'dra'o/ /zhes gsungs pa dang / atsarya ka ma la shI las smras pa/ ngas gnas lugs yang dag pa'i don mi shes pa min/ gdul bya la lam rim gyis drang dgos pa ston pa'i gsung rab kyi dgongs pa yin/ khyod ji ltar ci la yang mi bsam zer ba de ni/ so sor rtog pa'i shes rab spangs pa yin no/ /yang dag pa'i ye shes rtsa ba ni/ so sor rtog pa'i shes rab yin pas/ de spangs pas 'jig rten las 'das pa'i shes rab kyang spangs pa yin no/ /so sor rtog pa'i shes rab med pas rnal 'byor pa gang gis kyang rnam par mi rtog pa la gnas/ gal te chos thams cad dran pa med cing yid la byas pa med yin no snyam na nyams su myong ba thams cad mi dran zhing yid la bya ba mi nus so/ /gal te babadag gis chos dran par mi bya'o/ /de shin tu dran pas yid la byas par 'gyur ro/ /dran pa dang yid la bya ba med pas btsan po la bya ba yin pa skad du byas nas/ de gnyis dpyad dgos te/ med pa ni rung mi rung / dran pa tsam med pa tsam gyis rnam par mi rtog par 'gyur na/ brgyal ba'am 'gog pa'i dus na dran pa med de/ de mi rtog pa'i ting nge 'dzin du 'gyur ram yang dag pa'i so sor rtog pa med par/ rnam par mi rtog pa 'jug pa ni thabs med do/ /dran pa tsam po bkag kyang so sor yang dag pa'i rtog pa med na/ chos thams cad ngo bo nyid med pa la ji ltar 'jug nus/ stong pa nyid ma spangs par sgrib pa spangs par mi 'gyur ba de kho na'o/ /btang snyoms kyi stong pa nyid ni gnyid log pa dang 'dra 'o/ /de bas na yang dag pa'i so sor rtog pa'i shes rab kyis phyin ci log gi snang ba rgyang bsrings pa yin no/ /des na dran bzhin du mi dran pa byar mi rung ngo / /dran pa yid la bya ba med par/ sngon gnas rjes su dran pa dang / thams cad mkhyen par mi ltar 'gyur/ nyon mongs pa yang ji ltar spongs/ de bas na yang dag pa'i shes rab