bya'o/ /zhes gsungs nas bka' nan du bstsal to/ /bod khams kun la dril bsgrags so/ /cig car 'jug pa'i dpe cha rnams bsdus te/ bsam yas su gter du sbas so/ /de nas rgya nag gi mkhan po ha shang ma hA ya nas mi g.yo bsam gtan gling du lha khang gcig bzhengs nas/ gtsan pos kyang 'bul ba mang po mdzad/ ha shang yang mnyes so/ /da rgya gar gyi yul du 'gro gsungs nas rdo rje gdan du gshegs so/ /de la/ la la na re/ mkhan po yi mug pas rang gi gnas su song ngo / /lham ya gcig lus pas/ ma 'ongs pa na nga'i bstan pa lham tsam yong zhes 'khor la lung bstan pa dang / kha cig na re/ mkhan po mgo la mar me spar te nub bde ba can du kha bltas nas 'das pa dang / nye gnas pas dbang po brdungs te lcibs so zer ba dang / rdzun gtan mang po bsgrags pa byung ste de ltar ma yin no/ /der matsan po'i thugs dgongs kyang grub ste/ tshong 'dus su bad rngam pa'i lha khang bzhengs te dga' ston mdzad pa'i dus su bod 'bangs thams cad 'tshogs pa dang / kun chos la gzud cing chos mi bya mi rung ba'i phyir/ dbus mtha' thams cad du slob dpon bskos/ zhang blon gyi bu tsha dang / btsun mo srid ma zin pa kun ka ba li re thogs nas chos slob tu bcug sems lan gsum gyi bar du slob dpon ka ma la shI la la chos thams cad thos bsam gyis bdag med par gtan la 'bebs pa'i tshe de ji ltar lags pa gcig yi ger bkod par zhu zhes zhus pa la/ sgom rim dang po brtsams nas gnang ba/ btsan pos gzigs pas de'i don gdan gcig gi thog tu sgom na ji ltar sgom zhus pas/ sgom rim bar ma brtsams nas gnang / de ltar bsgoms pas 'bras bu ji ltar mchis zhus pas/ sgom rim phyi ma brtsams nas 'bras bu bstan pa'i zor la/ ha shang gi lta grub de zhor la dbu ma'i don de sgoms gsungs/ de la shin tu dgyes nas de'i don 'grel du ka ma la shI las bo dhi sa twa'i dgongs pa la/ rgol ba byung gis dogs nas lung dang rigs par 'brel bar dbu ma snang ba brtsams nas gnang ngo / /de nas rgyal pos a tsarya nyer gcig ha shang gi mi lnga byams pa gling du dar zab kyi khri sgor mor bshams te bzhugs so/ /mchos pa dang bsnyen bkur mang du phul/ rang rang gi yul du gshegs pa rnams la yang / yin po che gser dngul mang po'i rdzongs mdzad do/ /de nas chos dpon re la lo re la nas khal bdun cu rtsa lnga / na bza' dgu phyug re re/ spod mar srang stong gcig brgya/ chibs 'og theg rta re/ shog bu deb bcu bzhi/ snag tsha yug gsum/ lan tshwa zad med/ mchims pha'i sgom chen nyi shu rtsa lnga la/ nas khal lnga bcu rtsa lnga / spod mar srang brgyad brgya re/ na bza' drug phrug re/ mtshams kyi ban de rang kha ma rnams la/ nas khal brgyad brgyad/ shog deb gnyis re/ snag tsha yug re/ slob dpon gyi gnyer pa nyi shu rtsa lnga la nas khal nyi shu rtsa lnga lnga / gos sum phrug re re/ thos bsam dang dge ba nyams dang dpags nas byed pa rnams la zan dang chod ma'i tshul rgyun du gnang / yon bdag pho mo nya ma chos nyan rnams la yang dus dus su dga' ston/ bza' mgron gyi bya dga' yang rgyun du gnang nas/ lha chos dar bar byas pas rje bka' drin che ba lags/ /de nas btsan pos snga 'gyur dag par byed pa'i 'phror lus pa la tugs ma tshim nas paNDi ta mkhas pa btsal bar bya