bha de dang / dhAn shI la dang bzhi spyan drangs te/ gtan la phab nas/ sngar gyi bsgyur ba rnams ni mi nyams par bya ba dang / phyis 'gyur slob pa rnams la phan pa'i yan lag tu/ thig par rta che chung dang / bka' bcad dang / dkar chag gi yi ge gsum yang mdzad do/ /lo paN bgres po de rnams la sgra bsgyur rgya gar gyi gling du cha rkyen bla nas sbyar te/ mes kyi lha khang na bzhugs pa dang / bod yul na bzhugs pa'i gsung rab ma lus pa rnams spyan drangs te/ sngar 'gyur ba rnams la yang / ston pa dang 'khor gyi tshogs la zhe sa gzhug par 'os pa dang / mi 'os pa'i khyad par bcug ste/ theg pa che chung gi sngar mdo sde so sor yod pa rnams ni mdo mang stabs gcig tu byas/ dkon mchog brtsegs pa dang / sangs rgyas phal po che dang / mya ngan las 'das pa dang / lang kar gshegs pa dang / shes rab kyi pha rol tu phyin pa/ de bzhin gshegs pas klu'i yul du blo mun pa'i don du gsungs pa'i rgyas pa 'bum/ mi yul du mi dad pa che ba'i don du gsungs pa'i bar pa nyi khri dang / lha'i yul du lha dbang po yang rab kyi don du gsungs pa'i 'phags pa brgyad stong pa/ sras yum bcu bdun/ shais rab khri pa/ khri brgyad stong pa/ 'phags pa sdud pa/ rdo rje gcod pa/ sgo nyi shu rtsa lnga pa/ shes rab snying po/ yi ge gcig pa la sogs pa gzungs bran bu dang bcas pa thams cad sde tshan du byas sgra bsgyur te/ sgra thams cad rgya gar ba'i 'gyur du bcos so/ /gzhan yang bstan bcos/ 'phags pa klu sgrub kyis mdzad pa'i dbu ma rigs pa'i tshogs rnams dang / de rnams kyi cha lag dang / bstod pa skor la sogs pa dang / de rnams kyi 'grel pa dang / bstan bcos phra mo mang po dang / mngon pa gong ma dang de'i 'grel pa dang / mngon pa 'og ma/ mdzod rtsa 'grel dang / bstan bcos sde bdun dang / de'i cha lag mang po bsgyur ro/ /byams pa'i chos lngas gtso byas pa'i byams pa rang dang 'brel ba'i chos nyi shu/ dbyig gnyen gyi rab tu 'byed pa'i sde brgyad/ de rnams kyi rtsa ba 'grel pa/ spyod tshogs skor gsum/ 'dul ba dang / mdo rtsa'i 'grel pa/ rgya cher 'grel pa/ rang grol las chog la sogs pa cha lag du ma dang / sum brgya pa rtsa ba dang / 'grel pa/ 'od ldan dang / phra mo rnams dang / bstan bcos che chung mang po bsgyur ro/ /gsang sngags rdo rje theg pa'i rgyud rnams kyang sngar gyi 'gyur legs pa kun sor bzhag skad ma dag pa rnams legs par bcos/ lo tsA ba rma rin chen mchog gis paNDi ta bi ma la mi tra spyan drangs nas/ sgyu 'phrul gyi skor la/ 'jam dpal sgyu 'phrul dra ba bsgyur/ de nas rnam snang sgyu 'phrul dra ba bsgyur/ rdo rje sems dpa' sgyu 'phrul dra ba la rtsa rgyud gsang ba snying po/ le lag ye shes bla ma/ sgyu 'phrul bla ma/ lha mo sgyu 'phrul/ brgyad pa/ bzhi bcu pa/ brgyad cu pa/ khyad par gsang snying rtsa rgyud 'phyong par khab lugs bshad dang bcas pa/ dra ba che chung / rgyan dam pa/ 'phrin las sha ra brgyad man ngag dang shar chung bcu gnyis dang bcas pa bsgyur nas dag par byas so/ /skad gsar bcad kyis gtan la phab nas/ sde snod gsum khri gcig gi steng nas gsung bar byas te/ chos lugs bzang po mdzad/ dkar chag btab nas phyogs phyogs su bsrings so/ /bka' rgya che chung yang yi ger