mar mdo sngags kyi cho ga 'di rnams gyis shig gsungs nas gnang bas/ mnga' ris kyi btsad po rnams chab srid dang / mnga' ris mtho bar byin rlabs che ba yin/ blon po gnyis kyis gtsang bye ma g.yung drung bar du bskyal nas/ zhang pa tshab nyi ma rdo rje yis dre'u gcig phul/ cog ro phag sha lha legs kyis spyang khu'i thul pa gcig phul/ rje khri skyid lde nyi ma mgon gyi zhal nas/ ngas stod phyogs 'dir rgyal sa zin na khyed gnyis la bslang rgyu re yod do gsungs nas so sor byon te/ mtsho ma pham gyi byang du bzhugs nas/ blon po shes rig che ba gsum stod bskor gsum blta ru btang bas blon po spu rang du blta ru btang ba 'khor nas byung bas/ rje la phyag byas mnyes dris pa dang / ji ltar 'dug gsungs pa la/ lung pa rta bshas kyi khog pa gangs kyis bskor ba 'dra ba na mi srin po 'dra ba zhig mchis zer/ gu ger phyin pa na re/ lung pa nya ltar dkar gyi khog pa 'dra ba g.ya' yis bskor ba zhig la mi lug 'dra ba gda' zer/ mang yul du phyin pa na re/ yul ko mog chab kyis gang ba gangs kyis bskor ba 'dra ba zhig gda'/ mi sbal pa 'dra ba gcig gda'/ go ang gsungs/ rang re rje blon rnams bla ma dkon mchog la mchod pa 'bul/ gsol ba gdab po gsungs nas dang po spu rang du byon nas tshong mang po mdzad/ mi rnams zas kyis brid/ thams cad dad par byas nas khrims bcas dbang du 'dus pa dang / dmag bshams gu ge la brgyab/ mnga' 'og tu bcug de nas mar yul du byon/ rgyal khrims bcas nyes pa shor ba rnams la nyes pa blangs/ mgo bregs nas de ltar stod mnga' ris bskor gsum rgyal khrims gser gyi gnya' shing 'dra bas mnan/ de nas spu rang du sku mkhar nyi zung brtsigs/ stod kyi mnga' bdag rgyal po mdzad/ de nas zhang blon gnyis kyis bu mo gnyis btsun mor phul lo/ /pa tshab ma la tsha bo ma byung / cog ro zangs kha ma la sras gsum byung / che ba dpal gyi mgon gyi rgyud ni/ yar lung dang spu rang lugs kyi yul gyi btsad po rnams yin no/ /bar pa bkra shis mgon gyi rgyud pa rnams ni/ zhang zhung phyi nang dang / spu rang dang / ya rtse'i rgyal po'i rgyud rnams yin zer ro/ /mon yul na ci rigs pa yod do/ /chung ba lde gtsug mgon gyi rgyud ni/ khum bu ba/ ding ri ba/ mon yul na ci rigs pa yod do zer ba rnams lags/ bkra shis mgon gyi sras kho re dang srong nge byon/ kho re'i sku tshe'i stod la btsun mo bzhes rgyal srid bskyangs/ de la sras de ba ra dza dang / na ga ra dza gnyis 'khrungs/ sku tshe smad la mon yul na bslu rkun yod zer/ des rkyen byas nas thugs zhen pa log ste/ 'jig rten la skyo ba skyes/ dam pa'i chos la dad pa skyes nas sngon mes dbon rnam bzhis dam pa'i chos dar bar byas pa/ glang dar mas bsnubs pa gso ba dang yab mes kyi rjes snyegs pa bod la phan gdags pa'i phyir rgyal srid gcug po srong nge la gtad nas/ khong rang gis khong rang rab tu byung nas/ bslab pa ni gsung rab dang dkon mchog la blangs/ mtshan yang bla ma ye shes 'od du gsol/ de'i dus su rgyal khrims ni sil bur song / snga 'gyur gyi bka' ni chad/ yongs grags mgo reg zer ra chod ras gcod byed/ snyan rgyud mda' ltar mngag yongs su rdzogs pa ri khrod 'grims zer/ de'i dus su bla ma nyid mtshan nyid theg pa spang byar ston