dang mkha' 'gro ma dang mi ma yin pa rnams kyis dbang byas nas de dag gi bsod nams gsog pa'i zhing mdzad do/ /de dang mjal nas phyag dang skor ba zhag bdun byas na tshe 'di la phyag rgya chen po mchog gi dngos grub thob par 'gyur ro/ /yang gza' sgra gcan 'dzin ra hu las bcom ldan 'das kyi longs spyod rdzogs pa'i sku'i rten bzhengs su gsol ba ni/ rgyu lha'i rin po che maN dha ra ba dang / lha'i rin po che ze'u smug po'i pha bong chen po gcig lha'i bzo bo bi shwa karma'i mdun du spungs so/ /de la bi shwa karmas bzhu btal byas nas lugs su blugs pa la/ longs spyod rdzogs pa'i sku bcom ldan 'das rnam par snang mdzad gangs can mtsho/ che chung gi tshad ni chu zheng gab pa la/ dpag tshad brgyad cu tham pa yod pa/ sku mdog mthang gar grub pa/ phyag mnyam bzhag gi phyag rgya can chen po bzhengs te/ bcom ldan 'das kyis rab gnas mdzad de/ khyod kyis bzhengs pa'i rten 'di sa phyogs yangs pa gcig tu bzhugs su gsol/ zhes gsungs nas mar spyan drangs nas/ rgya gar lho phyogs kyi phyi'i rgya mtsho'i nang du bzhugs su gsol ba las sku lte ba man chad chur nub nas yod/ yan chod steng du byon pa la sku lus la chu bya mang po tshogs pa las/ bya thal mang po chags pa rnams tshes bco lha'i nub mo zla ba nya ba'i 'od zer dang / dbu'i gtsug tor gyi rtse la rin po che chu shel yod pa de gnyis 'od 'thab pas nam langs kyi bar du yan lag brgyad dang ldan pa'i chu bas te/ sku khrus gsol ba des bya thal thams cad dag pas nyi ma shar ba dang nyi ma'i 'od zer dang / rin po che an da rnyil gyi 'od zer gnyis 'dzoms pas nam mkha'i khams thams cad 'ja' tshon du bkra lam mer song bas 'od kyi dbang gis sku de mi gsal te/ yang bya thal gyis gos shing zhag bdun lon pa dang / an da rnyil gyi 'od de nyams nas sku de nyid je gsal je gsal du 'gro/ ded dpon skal ba dang ldan pas rin po che'i gling nas nor bu lon te tshur log nas sku de'i gru mo'i khug nas chur gzings bton nas sku de'i mdun na tshur gtad de/ mchod pa chen po byas gsol ba btab pas/ 'dzam bu gling du phyin tsa na/ rin po che re res kyang rgyang grags bdun bdun du 'bras kyi char 'bebs nus pa'i byin rlabs de lta bu 'byung / klu dang chu la gnas pa'i 'gro ba sems can dang / bar snang la gnas pa'i gza' dang skar ma la sogs pa mang po'i don mdad kyin bzhugs so/ /de nas lha'i dbang po brgya byin gyis mi'i rin po che gser dang / dngul dang / mu men dang / byi ru dang / mu tig dang / lha'i nor bu rin po che an da rnyil dang / inda?r ni' la dang / a ma gar ba dang / mar gad dang / mthon kha chen po dang / pad ma ra ga dang / mi'i rin po che las ni yon tan che zhing bzang ba/ lha'i rin chen las ngan pa/ nor bu rin pa che 'ching bu nyi shu rtsa gcig lha'i bu mi shwa karma'i mdun du spungs so/ /de la gzugs khams kyi lha rnams na re/ bcom ldan 'das kyi sku tshad ni 'dzam bu gling gi mi 'bring po'i khru sum cu rtsa gnyis yin no zhes zer ro/ /'dod khams kyi lha na re/ bcom ldan 'das kyi sku tshad ni mi'i khru bcu drug pa yin zer ro/ /mi rnams na re/ gcung mdzes dga' bo dang / dbu'i gtsug tor las khyad med zer ro/ /bcom ldan 'das ni sku'i tshad