la cang mi gsung bar bzhugs so/ /de ma thag tu bi shwa karmas/ bcom ldan 'das kyi sku'i tshad gzhal bas/ rin po che'i tha gus lan gsum gzhal kyang / dbu'i gtsug tor la ma slebs pa dang / yang je mtho la song bas/ steng gi 'jig rten gyi khams mdangs dga' bar phyin pas/ de'i ston pa sangs rgyas dga' ba'i dpal la/ 'khor byang chub sems dpa' dga' ba'i byin gyis zhus pa/ 'di mi mjed 'jig rten gyi khams nas yong bas/ 'di nas mi mjed 'jig rten gyi khams bcom ldan 'das shAkya thub pa'i zhing la thag ci tsam mchis gsol pas/ bka' bstsal pa/ zhing khams re re'i rdul phra rab re re bzhag pas/ zhing de'i rdul mi zad pa yod de/ lha'i dbang po khyod sangs rgyas kyi sku la tshad mi mnga' ba bstan pa'i phyir ston pas byin gyis brlabs kyis/ gzhan du na/ khyod kyi tshe ma gir zad nas 'dir mi rtol bar 'chi ba'i dus byed pa 'gyur du mchis/ da mar 'gro bar 'dod na ston pa'i yon dran par gyis shig ces bka' bstsal pa dang / bi shwa karmas rang gi ston pa shAkya thub pa yid la byas pas rgyas bu rgyal byed kyi tshal du rtol ba dang / bcom ldan 'das kyis bi shwa karma la bka' bstsal pa/ khyod pas nyan thos dgra bcom pa dang byang chub sems dpa'i sa thob pas kyang / de bzhin gshegs pa'i rdzu 'phrul zil gyis gnon par mi nus so/ /zhes bka' bstsal to/ /de ltar na/ bcom ldan 'das kyi sku'i rnam thar ni/ dkon mchog brtsegs pa gsang pa bsam gyis mi khyab pa'i mdo las kyang bka' bstsal to/ /bcom ldan 'das kyis bka' bstsal pa/ nga'i lo bcu gnyis pa'i sku tshad cig byas nas de yis ston pa'i bya ba byed par 'gyur ro/ /gsungs so/ de ma shes pas bcom ldan 'das kyis rtse mo rtse zhing phang du 'tsho ba'i ma ma la spyan gzigs pa dang / ma ma des smras pa/ dgung lo bcu gnyis lon tsa na/ ngas ser skya'i khang thog nas phar ded pas rgyal po'i pho brang ser skya'i yang thog gi gzim khang gi them khar bzhengs so/ /dbu'i gtsug tor sgo'i ya them la thug la khad pas kho mo dngangs pa gcig byung bas/ sgo de skye bu dang mnyam mo zer bas de la chad byas so/ /dgung lo brgyad pa'i tshad ni lum bi'i tshal gyi khri dang mnyam mo zer ro/ /dgung lo nyi shu rtsa lnga pa'i tshad ni bcom ldan nyid dang mnyam mo zer bas lugs su blugs pa kha dog sna tshogs su tshang ba zhig bzhengs te/ bi shwa karmas bcom ldan 'das kyi spyan sngar phul lo/ /der nyan thos dang byang chub sems dpa' dpag tu med pa dang / lha dang / mi dang / lha ma yin dang / dri za la sogs pa dang / lha ma srin sde brgyad thams cad sku tshad lta ba la 'tshogs pa dang / bcom ldan 'das kyi zhal gyi sangs rgyas kyi zhing thams cad khyab par byas/ sangs rgyas dang byang chub sems dpa' thams cad snang bar byas so/ /thams cad kyang 'od kyis bskul nas byi na gyis brlabs pa dang / yon tan thams cad bsdus nas slar log ste/ sku gsum po la lan gsum skor ba byas nas thim/ 'od kyis khyab par byas/ sku gsung thugs kyis dbang bskur/ gcom ldan 'das nyid kyis rab tu gnas par byas nas/ slar 'od zer de dag bcom ldan 'das la lan gsum skor ba byas nas dbu'i gtsug tu nub par gyur to/ /de nas bcom ldan 'das kyis 'khor rnams la bka' bstsal pa/ sku 'di dag gnas gar bzhugs