pa'i sar nyan thos kyi dge 'dun/ dgra bcom pa rgyun du bzhugs pa/ lan cig phyir 'ong ba/ mi 'ong ba/ byang chub sems dpa'/ sa thob pa nyi zer gyi rdul tsam gyis mchod/ bstod/ bskur sti byed/ bla mar byed/ ri mor byed/ rjed par byed/ gsol bar mdzad/ theg pa chen po'i chos thams cad 'bad pa med par 'byung ste bstan pa'i tha ma la kha ba can gyi yul du sku gnyis da/ spyan ras gzigs kyis 'dul bar 'gyur ro/ /zhes bka' bstsal to/ /dgong lo nyi shu rtsa lnga pa'i tshad ni/ sum cu rtsa gsum na lha rnams kyi mchod gnas mdzad par zhus so/ /sangs rgyas mya ngan 'das nas de'i phyi dbyar 'phags pa drug sdesas gzugs khams pa'i snang ba dang bstun nas khru sum cu so gnyis pa dang / 'dod khams pa'i snang ba dang bstun nas khru bcu drug pa'i tshad ni bal yul yab bur bzhugs so/ /myang 'das che chung bzhengs so/ /de nas lo nyi shu tsam na rgyal po shrI sing has rdo rje gdan du byang chub kyi shing la me tog ra bas bskor nas mchod pa mdzad de dus mchod btsugs so/ /bram ze spun gyis rten ji ltar bzhengs pa'i lo rgyus ni/ de bzhin gshegs pa dgongs pa yongs su mya ngan las 'das nas lo brgya tsam na/ rgyal po'i khab na bram ze ma hA pa la bya ba'i khyim bdag cig la bu gsum yod pa la/ de gsum yang dad pa che zhing chos la mos pa la/ nyin re bzhin 'thab nas mig mchi ma tsa re 'ongs pa la/ pha mas grang na ras gyon/ ltog na 'bras zo/ khyod gsum ci la rtsod ces smras pas/ bu chung ba na re/ nged ltogs pa dang grang bas rtsod pa ma yin/ nged chos lugs la ma 'chams te/ phyi nang gi grub mtha' mi mthun pa yin/ ngas dkon mchog gsum/ chos lugs sangs rgyas bzang byas/ phu bo gnyis / lha ma hA de ba/ chos lugs mu stegs byed bzang nas de la ma 'chams nas 'thab ces so/ /de nas pha ma la gang bzang dris pas/ mas smras pa/ 'di nas byang du ri nag po dgu 'das pa na ri bo gangs can la/ lha ma hA de ba yab yum bzhugs pas lha chen po la dris shig zer nas/ bu gsum gyi rkang pa la rkang mgyogs kyi rdzas byugs nas nam mkha' la 'phur btang ngo / /de nas spun gsum pos ri bo gangs can gyi 'dabs su phyin pa dang / lha'i bu mo mang po rin po che'i snod mdzes pa thogs nas me tog mang po 'thu yin 'dug nas/ bu mo de rnams la dris pa/ khyed su yin/ me tog de rnams btus nas ci byed ces smras pas/ bu mo rnams na re/ nged rnams lha chen ma hA de ba yab yum gyi 'khor g.yog yin/ me tog 'di rnams 'phags pa dgra bcom pa rnams nangs par gdugs tshod la spyan 'dren/ de la mchod pa byed pa yin zer ro/ /'o na nged lha ma hA de ba'i zhal lta ba yin/ khyod kyis zhu sna gyis la khrid cig ces smras pas/ lha mo de rnams dang 'grogs nas pho brang ro bo gangs can yod sar phyin pa dang / rin po che'i pho brang na gdan mang po bshams 'dug nyan thos 'phags pa dgra bcom pa mang po rdzu 'phrul gyis byon nas gdan la bzhugs pa la/ lha chen ma hA de ba 'khor dang bcas pa rnams phyag 'tshal/ mchod pa 'bul/ gdugs tshod 'dren byed kyin 'dug der bram ze spun gyi yid la/ lha ma hA de ba yang sangs rgyas kyi nyan thos kyi dge 'dun la mchod pa byed/ phyag 'tshal/ gdugs tshod 'dren par 'dug chos lugs nang pa sangs rgyas pa bzang bar 'dug