snyam du sems so/ /de nas 'phags pa dgra bcom pa rnams nam mkha' la gshegs so/ de nas bram ze spun gsum gyis lha dbang phyug chen po la 'di skad ces dris so/ /nang pa sangs rgyas pa dang / phyi pa mu stegs pa gnyis chos lugs gang bzang zhus pas/ lha dbang phyug chen po na re/ nga mu stegs byed rnams kyi mthar thug gi lha yin/ mthu dang / rdzu 'phrul dang / nus pa dang / tshe 'di'i dgos pa rnams 'byung / gnod pa zhi bar byed/ nus pa mu stegs byed myur ba yin/ tshe phyi ma'i thar pa byang chub bsgrub pa ni/ nang pa sangs rgyas pa'i chos 'di yin/ nga yang phyi ma'i bde legs 'dod pa'i phyir/ nyan thos 'phags pa dgra bcom pa rnams la phyag dang mchod pa byed pa yin/ thar pa'i lam bzang po thob par 'dod na/ nang pa sangs rgyas pa bzang gsungs so/ /de nas bu gsum kas chos lugs nang pa sangs rgyas pa bzang par shes nas phyir log ste/ pha ma'i drung 'ongs pa dang / pha mas dris pa/ khyed lha dbang phyug chen po dang mjal lam/ ci skad gsungs dris par lo rgyus rnams bshad pas/ chos lugs nang pa sangs rgyas pa bzang bar 'dug pas/ ngaid gsum chos byed pa la yi dam re dgos pas/ yi dam gang gis bzhengs/ lha khang gang du brtsig ces pha ma la zhus pas bram ze mo gsal 'od na re/ chos lugs nang pa bzang bar nged pha mas shes mod/ khyod rang rnams yid ma ches kyi dogs nas 'drir btang ba yin/ khyod la lha bzhengs pa ngas bstan gyi zer nas/ bu che shos ma hA pa la la khyod kyis ri bo gangs can gyi rgyud/ skal ldan shing rta'i 'gram/ yul wa ra Na si drang srong lhung pa'i sa/ ri dwags rgyu ba'i tshal/ bcom ldan 'das kyis thog mar bden pa bzhi'i chos kyi 'khor lo bskor ba'i sa de na/ rin po che'i rdo gcig yod pa de la rgyu gyis la rten bzhengs shig zer bas des bcom ldan 'das kyi sku che ba shin tu yang che ba chos kyi 'khor lo bskor ba'i phyag rgya mdzad pa gan dho la chen po zhig yod pa bzhengs so/ /de la dharma tsakra zhes grags so/ /bu bar pa bhi ba sa ma la bcom ldan 'das rgyal po'i khab 'od ma'i tshal bya ka lan dha ka skad 'byin pa'i gnas su/ bcom ldan 'das kyis mtshan ma med pa'i chos kyi 'khor lo bskor ba'i sar/ gnas chen po brgyad kyi sa la rgyu gyis la/ rten bzhengs shig ces pas/ der bcom ldan 'das kyi sku tshad dang mnyam pa gan dho la 'dom nyi shu tsam yod pa zhig bzhengs so/ /sku de la byi lu 'ban zhes ming du grags so/ /ba la bu chung shos na re/ khong phu bo gnyis la yi dam bzhengs pa legs pa re bstan na/ nga sangs rgyas la mos pa mnga' shos yin pas/ nga'i lha khang gar byed ces smras pas/ bu khyod kyis lha khang byed pa de nangs kyis dga' ba zhig yod kyis/ ma ga dha rdo rje gdan mchog byang chub kyi shing gi shar ngos la sku rgyab gtad nas bcom ldan 'das kyis sangs rgyas kyi ye shes brnyes pa'i sa der/ chu bo nair nya?dzana'i 'gram na ma he nyal ba'i 'og khrus kyi rdzing bu'i 'gram nang na/ tsan dan go shira? na'i sdong po 'gyel yod pas/ de la rgyu gyis la bram ze'i bu mo bzhi bcu zhe dgus shing brdar ba de la rin po che sna tshogs dang spos sna tshogs bsres la srang sum stong dang / ba sbos zan ma'i 'o ma dang sbyar ba'i gong bu bdun phrag bdun stong /