so phag gi gan dho la'i phyi mchod rten du byas pa'i nang du sku de bzhengs shig de yang zla ba drug dang / zhag bdun du sgo ma 'byed cig khyod kyi yi dam ji ltar 'dod pa ltar du 'grub par 'gyur ro/ /zhes zer ro/ /de'i dus na yul dbus nas tshong pa phyi'i rgya mtsho la rin po che len du song ba'i ded dpon la/ rang gi pha rgan po na re/ bu khyod kyis mis mi nyo ba'i zong nyos shig bsgo'o/ /de nas tshong pas/ nor bu rin po che mang po lon nas log nas 'ong ba'i rdzings nang du/ snga na med pa'i ma sngo lhang ba zhig byung bas/ tshong pa phyug po rnams na re/ 'di ni rang re la gnod pa byed pa yin pas gsod do/ /zer bcings so/ /der ded dpon gyi bsam pa la/ nga la pha na re/ khyod kyis mis mi nyo ba'i nor zhig nyos shig zer ba de 'di yin nges snyam nas/ tshong phrug rnams la 'di la gnod pa ma byed cig byas pas mnyan nas/ der de'i rin tshong dpon gyis bcal te nyos nas/ mi de bkrol te btang bas/ mi de rgya mtshor mchongs te song ngo / /de klu phrug yin pas des rin po che inadra ni la 'od dang bcas pa nya'i lto ba 'dra ba lcum zhogs dang ldan pa khru gang ba zhig ded dpon la byas pa gzo ba'i phyir drin lan du phul lo/ /ded dpon des kyang rdo rje gdan na de bzhin gshegs pa'i sku de bzhengs pa'i spyan 'bras bya snyam nas skam la bton pa dang / de gdab bsams pas rin po che de gnyis su gas re chag go/ /de khyer nas yon bdag tsakra pa me la phul lo/ /des kyang mas ji ltar bsgo ba ltar byas pa dang / zla ba drug dang zhag drug nas ma 'ongs te/ bu khyod kyis gan dho la sgo phye zhig ngas lha blta'o zhes pas/ bus smras pa/ zhag gcig gis zhag grangs ma them pas ngas nangs par sgo dbye'o smras pas/ ma na re/ bu nga do nub tshe'i dus byed pas/ zhag grangs ma them yang / sge phye zig ngas lha de de bzhin gshegs pa 'dra'am mi 'dra blta yis/ ci'i phyir na 'dzam bu'i gling na de bzhin gshegs pa'i zhal mthong ba nga min pa med pas phyis 'dra mi 'dra'i shan mi phyed do/ /de skad zer nas bus sgo phye ba dang / bzo bo bi shwa karma rtsig phug na phar thal nas mi snang bar gyur to/ /der rgan mos bltas nas phyir byung ba la/ lha 'di bcom ldan 'das dngos dang 'dra'am mi 'dra dris pas/ mas smras pa/ lha 'di bcom ldan 'das dgung lo sum cu so gnyis lon pa dang sku tshad mnyam ste/ sangs rgyas la 'od 'dom gang yod pa dang / gcug tor ltar mi mngon pa dang / dbu skra bung ba ltar nag cing tshom bur 'khyil ba dang / smin mtshams na mdzod spu khru gang g.yas su 'khyil ba dang / gsung gis chos 'chad/ na bza' gsol ba sku la sor bzhi mi reg pa dang / spyod lam gshegs pa/ bzhugs pa/ gzim pa la sogs pa sems can gyi don mdzad pa de 'di la med/ gzhan byin rlabs la sogs pa sangs rgyas bcom ldan 'das dang khyad par med do zhes zer ro/ /sku de'i zhal gyi dkyil 'khor la mi che tshad kyi brkyangs khru do dang / spyan dang zhal la mtho gsum/ sku spyi la brkyangs khru brgyad yod do/ sku 'di la lta bas chog mi shes te/ bkres pa dang bskom pa brjed brjed du lta ba dang / mthong ba tsam gyis lus ngag yid gsum ngal sos pa dang / sdug bsngal thams cad zhi ba dang / gdon bgegs dang bral ba/ yon tan dpag tu