maid pa byung ngo / /ye shes kyang rgyud la 'jug go/ /bltas te phyir 'gro ba na rgyab bstan nas phyir 'gro mi phod pa dang / phyi rol pa dang rten gang bzang 'gran pa na phyi rol pa'i rten la nang pa sangs rgyas pa'i gang zag rnams phyag mi byed do/ /de lta bu'i dam bca' byed do/ /phyi pa mu stegs pa yang sku 'di la phyag mi byed pa'i dam bca' ste bcas kyang mthong ba tsam gyis phyag byed do/ /lag pa lcags kyis bkyigs kyang rang grol nas phyag byed par 'gyur gyis zer nas rgan mo de de nub shi ste/ gdung ring bsrel gyi phung por gyur to/ /bram ze mo de dpal lha mo'i sprul par grags so/ /de'i gdung la bus rdo rje gdan du mchod rten bzhengs te/ mchod rten ring bsrel gyi snying po can du grags so/ / zhag gcig gis sgo dbye ba sngas pa la skyon ci yod bltas pas/ sku'i zhabs ya gcig gi mthe'u chung ma tshang zer bar 'dug ste/ nyan thos pa rnams na re/ bdud lhas sbyin gyis bcom ldan 'das la rgyogs brgyab pas/ gnod sbyin dzam bha la dang / hi phus ma yod pas gab pas phyag na rdo rje rgyogs la rdo rje brgyab pas rgyogs dum bu brgyar song / dum bu gcig hi pha la phog ste shi/ dum bu gcig dzam bha la la phog ste rma 'tshal btod/ des lan pa yin zer/ de ltar ma yin skad/ theg pa chen po'i mkhas pa rnams ni/ de ma yin/ dbu skra tshom bur 'khyil ba de ma tshang ba yin skad/ rin po che inda?r ni las spyan 'bras byas 'dug go/ /de ni mthon mthing gi kha dog dang 'dra ba mthing ga 'od dang bcas pa'o/ /sku de'i mtshan ni ma hA bho dhi zhes grags so/ /gzhan rnams rgan mos ji skad smras pa bzhin no/ /bram ze spun gsum gyis rten bzhengs pa'i sku tshad gsum ni/ rgya gar gyi gnas gsum na bzhugs nas sems can gyi don du bsod nams gsog pa'i zhing du bzhugs so/ /nyi shu rtsa lnga pa'i sku tshad ni/ sum cu rtsa gsum na lha rnams kyi don mdzad do/ /dgung lo brgyad pa dang bcu gnyis pa'i sku tshad des/ rgyal po gsal rgyal gyi macod gnas mdzad/ lo lnga bcu 'gro don rgya gar du mdzad/ dgung lo bcu gnyis pa lo lnga brgya u rgyan du/ de nas srin po/ de nas kha che yi yul du lo lnga brgya/ de nas klus brkus nas/ klu'i rgyal po he man dha'i mchod gnas shi le ta chu bhe ta bya ba phyag na rdo rje'i sprul pa zhig dang / mkhan po skar rgyal bya ba 'phags pa byams pa'i grub pa thob pa gnyis kyis bcom ldan 'das kyi sku de klu yul na yod par gzigs nas/ der skar rgyal gyis byams par sprul nas/ klu shing ghu dhe'i bdud rtsis klu rnams la bdud rtsi'i char bas brid/ shi le tas phyag na rdo rjer sprul nas klu rnams sdigs gzir nas byams pa bskyangs te/ sku gzugs khrus kyi rdzing bu nas yar spyan drangs/ bstan pa nub tsa na/ sku des sna drangs pa'i rin po che'i rten tsam mi yul na bzhugs tshad klu yul du spyan drang bar byas so/ /lo lnga brgyar ma ga dhar 'gro don mdzad do/ /'jam dpal gyis bcom ldan 'das la gsol ba/ sangs rgyas mi bzhugs pa yongs mya ngan las 'das pa na/ 'gro ba rnams tshogs gsog pa'i rten gang la bgyi/ zhes zhus pas/ bcom ldan 'das kyi zhal nas/ sangs rgyas kyi rten la brgyad de nyid las byung ba'i rten drug 'dra ba'i rten gnyis te brgyad kyis dkon mchog la bsod nams gsog pa'i rten