gyis zhes bka' bstsal to/ /dbu skra dang phyag sen gyi rten gnyis mnga' ba yin te/ dang po rab tu byung ba'i dus su dbu skra la mtho bcu dgu yod pa la/ rgyal bu rang gis mchod rten rnams dag gi drung du ral gris bzhar ba sum cu rtsa gsum pa'i lha rnams kyis khyer te/ mchod rten byas pa da lta yang lha rnams kyi gtsug phud kyis mchod pa'i dus su ston zhes skad do/ /mi'i yul du yang / a po bdun pas mos pa'i mchod rten brtsigs nas/ gtsug phud blangs pa'i mchod rten zhes grags pa yod do/ /de ni byang chub sems dpa'i dus yin pas byang chub sems dpa'i mchod rten yin la/ mngon par rdzogs par sangs rgyas nas dbu skra dang phyag sen bregs nas khyim bdag mgon med zas sbyin la gnang pa de la mchod rten byas te mchod do/ /gzhan yang lho phyogs mtha' 'khob tu yugs mo lnga brgya la sprul pa'i phyag sen gnang nas de la mchod rten bzhengs te mchod pa byed do/ /rgyal po gzugs can snying po'i btsun mo'i tshogs kyang / dbu skra phyag sen zhus nas phyag sen gyi mchod rten mdzad do/ /rgyal po yul 'khor srung gis shAkya gyad chen la srung ba'i don du sprul pa'i phyag sen gnang nas mchod pa chen po byas so/ /shAkya rnams bde la bkod do/ /lhung bzed kyi mchod rten byung ba ni/ byang chub sems dpa' dka' thub las bzhengs nas/ bsod snyoms la byon pa'i dus su/ grong pa'i bu mo legs skyes ma la sogs brgyad kyis/ 'o thug bskol nas gser gyi snod du drangs pas 'o thug gsol bas/ de'i gser snod chu bo nairanya?dzanar bor bas klu'i rgyal pos khyer bas/ lha yi dbang po brgya byin gyis bya khyung du sprul nas sdigs pas ma chun/ brgya byin rang du byas nas bslangs pas byin nas mchod rten byas nas bzhugs so/ /sangs rgyas nang shing sgrol rgyu'i tshal na bzhugs pa la/ tshong dpon ga gon ta bzang po dang / bzang skyong la sogs pa tshong phrug lnga brgyas/ 'o tsha dang sman dang mar gsum sbyar nas rin po che'i gzhong par blugs nas bcom ldan 'das la drangs pa'i dus su/ rgyal po chen po bzhi yis rdo'i lhung bzed bzhi phul bas gcig tu byin gyis brlabs nas phyag tu bsnams nas bzhes te/ phyis rgyal po bzhi rang la gnang ste/ rang rang gi mchod rten byas te mchod pa byed do/ /nyan thos kyi ched du mgar bas lcags la lhung bzed brdungs nas phyag na bsnams pa ni/ phyis nyan thos pa rnams kyis mchod rten mdzad de/ mchod par byed do/ /mkhar gsil ni dngos su mchod rten yin la/ dkon mchog gsum gyi rten yin pas/ lha mi kun gyis mthong na dad pa'i mchod rten yin no/ /tshems mche ba dang / ring bsrel byon tshul ni/ thub pa'i dbang po mya ngan las 'das nas spur zhugs la bzhen pa'i dus su/ tshems mche ba bzhi bo ma tshig pa de la mchod rten re byas so/ /ring bsrel ni sku'i khams bzhi ga gdung phra mo byas nas bram zera'i rigs bre bo dang mnyam pas/ sku gdung cha brgyad du bgos nas byin te/ gnas rang rang so so ru mchod pa mang po rgyas par byas so/ /bram ze bre bo la/ gser sku bum pa gsum byin nas/ bre bo'i grong du mchod rten byas so/ /bram ze'i khye'u Na?yagro tas sku gdung bzhu ba'i sol ba la mchod rten byas so/ /de dag ni sangs rgyas nyid las byung bas na/ sangs rgyas nyid dang mnyam mo/ /mi dang mi ma